زمن الحبايب جبر وانتشرت الاحزان
والغدر طبع ,انتشر ما هو طبع في الانسان
هو كده الانسان القسوه من طبعه
يرمي بذور الحزن ويزرعها في كل مكان
*****************
الدنيا صفحه غريبه خد عندك العنوان
فرقه جراح وألم وعذاب معاه حرمان
وجرحي برضه اكيد بإيدي انا اخترته
وبنيت كمان سجني واخترت الزمن سجان
******************
زمن الحبايب جبر خلاص كان ياما كان
والحزن زاد عمق الجراح خلى العذاب الوان
والفراق كتب علينا طعم الحياه مره
اه يا سلام طلع الزمان في رسم العذاب فنان
*******************
يا دنيا حني شويه ده انا من الهموم شبعان
خلاص مليتي دنيتي ذل وأسى وهوان
نفسي في دنيا جديده وافرح ولو مره
وقلب يونس وحدتي وأعيش معاه في أمان