| لوعايزة تكملي الخطوبة لجواز ؟؟؟؟؟؟؟ | |
|
|
كاتب الموضوع | رسالة |
---|
mimi عضو غالى علينا
نقاط : 35230
| موضوع: لوعايزة تكملي الخطوبة لجواز ؟؟؟؟؟؟؟ الإثنين مايو 17, 2010 4:30 am | |
| نصائح لكل بنت مخطوبه
آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد..
أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه ....
1- الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا
2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....
3- الشوووربة.... بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك..
بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....
4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..
5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..
6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص..
قولي مابحبش السمك وخلصي نفسك..
7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..
8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..
9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....
10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا أودامي أسبوع.. هابطل أكل فيه.....
وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها..
آل يعني بتمسحي بؤك..
وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا | |
|
| |
سمسمة مصراوى
نقاط : 37373
| موضوع: رد: لوعايزة تكملي الخطوبة لجواز ؟؟؟؟؟؟؟ الإثنين مايو 17, 2010 6:09 pm | |
| على فكرة على فكرة لو كل البنات الى اتخطبوا و طبعا مش بيعملوا كده معتقدش انه كان حيكون فى واحده منهم اتجوزت هههههههههه و اللهى من راييئ يعنى تاكل بطبيعتها مش عايزين صدمات بعد الجواز مش بعد ما تجوز حتدخل بلفه الفول و الطعميه عشان تاكلها من وراه هههههههههههه | |
|
| |
لحظه وداع Admin
نقاط : 503180
| موضوع: رد: لوعايزة تكملي الخطوبة لجواز ؟؟؟؟؟؟؟ الإثنين مايو 17, 2010 11:22 pm | |
| | |
|
| |
mimi عضو غالى علينا
نقاط : 35230
| موضوع: رد: لوعايزة تكملي الخطوبة لجواز ؟؟؟؟؟؟؟ الثلاثاء مايو 18, 2010 8:32 am | |
| هههههههههههههه
الهيضحك علي اية ياحمد
والله يسمسمة انا نقلت الموضوع لاني كنت هموت علي نفسي من الضحك منه
لكن انتي صح | |
|
| |
لحظه وداع Admin
نقاط : 503180
| موضوع: رد: لوعايزة تكملي الخطوبة لجواز ؟؟؟؟؟؟؟ الخميس مايو 20, 2010 10:58 am | |
| الى هيضحك عليه يعنى لو بت عملت معايا كده فى الخطوبه وبعد الجواز لاقتها قلبت 360 درجه | |
|
| |
mimi عضو غالى علينا
نقاط : 35230
| موضوع: رد: لوعايزة تكملي الخطوبة لجواز ؟؟؟؟؟؟؟ الخميس مايو 20, 2010 11:13 am | |
| هههههههههه
الهيضحك عليك
بحسب الهيضحك علي الموضوع
مانت يا زكي لو هيا قدرت تغير نفسها في فترة الخطوبة يبقي اكيد هتحافظ علي التغير دة
لان مش في حد بيحب يبقي وحش
صح ولا تعترض | |
|
| |
لحظه وداع Admin
نقاط : 503180
| موضوع: رد: لوعايزة تكملي الخطوبة لجواز ؟؟؟؟؟؟؟ الخميس مايو 20, 2010 11:27 am | |
| مقدرش اعترض يا معلم انا مش ناقص | |
|
| |
mimi عضو غالى علينا
نقاط : 35230
| موضوع: رد: لوعايزة تكملي الخطوبة لجواز ؟؟؟؟؟؟؟ الخميس مايو 20, 2010 11:32 am | |
| | |
|
| |
لحظه وداع Admin
نقاط : 503180
| موضوع: رد: لوعايزة تكملي الخطوبة لجواز ؟؟؟؟؟؟؟ الأحد مايو 30, 2010 7:06 pm | |
| اخرتها شاطر شاطر طيب منا عارف انى شاطر جبتى انتى ايه جديد | |
|
| |
mimi عضو غالى علينا
نقاط : 35230
| موضوع: رد: لوعايزة تكملي الخطوبة لجواز ؟؟؟؟؟؟؟ الإثنين مايو 31, 2010 12:02 am | |
| ههههههههههههه
الجديد اني اعترفت انك شاطر | |
|
| |
| لوعايزة تكملي الخطوبة لجواز ؟؟؟؟؟؟؟ | |
|