#
الصيف دخل بقى والتقصيف ابتدى
لا نعومه ولا لمعان ولا اى حاجه
وكمان عمال يقع
يعنى ملوش لازمه هروح اقصه احسن
ليه يا بنتى بس شعرك جميل كده
وبدل ما تقصيه هقولك على خطوات تعمليها عشان تحافظى عليه
اساسا معروف ان بيسقط من شعرك خمسين شعرة يوميا
فمتقلقيش خالص من التساقط ده
المره دى مش جيبالك وصفات جيبالك خطوات
تعمليها وهتلاقى شعرك قمه فى الجمال والنعومه والصحه
جمال الشعر مش بنعومته
انما بنظافته ولمعانه وصحته وتصفيفه
عشان كده فى الاول شعرك محتاج لعناية خاصه للمحافظة عليه
1_ حاولى غسيل الشعر يوم ويوم مش يوميا
عشان ميفقدش دهونه وتغذيته
2_واستعملي لغسيل شعرك شامبو من الأنواع الجيدة
أما استعمال شامبو الرديءهيؤدى لجفافه
3_استخدمي الزيوت الطبيعية لشعرك زى زيت جوز الهند
زيت الخروع، زيت اللوز، زيت الزيتون وهو مفيد جدا
واتأكدى من جودة هذه الزيوت يعنى اشتريه من أماكن موثوق بها
وابتعدي نهائى عن الزيوت المعدنية تماما مثل زيت البرافين والفازلين
لأن الزيوت دى ضارة للجلد المحيط بالشعرة
نيجى للاهم بقى
4_عند تمشيط شعرك وهو مبلول استعملي مشط واسع الأسنان
لأن الشعر المبلول بيتقطع بسرعه
وحاولى عند تسليكه يبقى بهدوء مش داخله حرب انتى
بلاش عنف مع شعرك خالص
لانك بكده كأنك بتنزعى الشعره من البوصيله بتاعتها
وكده يبقى مش بيقع بقى ده بيتقطه
5_حاولى على اد ما تقدرى لو اعده فاضيه دلكى شعره باطراف صوابعك
كل يوم او يوم بعد يوم
ويا ستى ابقى سبحى وانتى بتفركيه
ده يا جميله بينشط الدوره الدمويه فى فروه رأسك وبينشط البوصيله وبيقويها
6_ياريت تقللى لو بتصبغى شعرك او الكلام ده
مفيش اجمل من لون شعرك اللى ربنا خلقك بيه
7_هاتى مشط من الخشب او العاج
هتلاقيها كتير فى الاشواق او الفرشه بلاش الامشاط البلاستيك دى خالص لان هى دى اللى بتقصف الشعر وحافظى دايما على نظافتها ومحدش غيرك يستخدمها ها
8_عند شطف شعرك اتاكدى جدا انك مسبتيش فيه اى صابون
لان لو سيبتى ده بيسبب جفافه
10_اخيرا بقى واهم شىء
اهتمى جدا بتغذيتك واكلك لان تقريبا هى دى اهم حاجه
كلى كويس ها
شعرك بيتغذى زى ما انتى بتتغذى بالظبط
ولو بخلتى على جسمك باى حاجه شعرك هيبخل فى حاجات كتير
اعتنى بصحتك هتلاقى شعرك بيعتنى بنفسه
كترى فى الخضروات اى حاجه خضره مفيده جدا لشعرك
والاسماك حلوة اوى للشعر والالبان كمان
نقاط
موضوع: خطوات تعمليها عشان تحافظى على شعرك :) 
