لسه مقتنعتيش؟
طيب اقولك ايه ؟
باقيه ليه انتى فى الموضوع ده
بتقولى هتجوزوا؟
تبقى ساذجه
سامحينى اختى فى الله
بس دى حقيقه
قوليلى كده الوهم اللى عايشه فيه ده
ايه نهايته؟
عماله تحلمى وكمان بتختارى اسماء لاطفالكم؟
يا سبحان الله
طيب فكرى الاول فيه هو
شاب ولسه بياخد مصروفه
وبتفكرى ده هيبقى زوج وأب؟
طيب ازاى ؟؟
بلاش , أوعى تتغرى بالى اتجوزو على حب
دول ابعد مثل ممكن تبصيله
لانهم بنوا بيتهم على غلط
وعمر الغلط دايما قصير
واكيد سمعتى عن تجارب كتير فشلت
ليه دايما شايفه انك هتكونى مختلفه عن كل التجارب
اللى فشلت واتحكتلك؟
لاء انتى هتزودى القصص دى واحده للاسف
هتخرجى جواكى الم وحزن
من شخص افتكرتى هيكون زوجك الصالح
بس دى احلام
عمر الزوج الصالح ما يرضى ليكى نظره تألمك وانتى معاه
ليه بقى تلوثى قلبك بآلم وبعدين هيبقى ذنب شايلاه معاكى
لزوج صالح مش قادره تقوليله على التجربه دى؟
ليه بقى تستغلى قلبك من قبل ما يجى وقت استخدامه
احفظيه وصونيه اختى
لحد ما يجى الزوج الصالح اللى يستحقه
ولو حصل وجه كلامى ليكى متأخر؟
اتركى الصحوبيه دى بالله عليكى
فمن ترك شىء لله عوضه الله خيراً منه