زينه الدنيا
وعماله تتجملى ادام عنيا
ومش عارف هتعملى ايه فيا
عماله تجيلى شمال ويمين
مش قادر اهرب منك
وتفكيرى فى آخرتى
هو اللى بيبعدنى عنك
بس غصب عنى انسان وضعيف
عينى ساعات تزوغ عليكى
وانتى بفتتنتك عماله تشدينى ليكى
طيب اعمل ايه ياربى فيها
جمالها غاوى كتير بيها
وبصبر وبستعين بيك تملى
يارب ابعد جمالها وفتنتها عنى
ولا تجعلها ابدا كل همى
ولا تكون فى يوم دى مبلغ علمى
انا عارف ياربى زى ما قولتلى
دى دنيا لعب ولهو بلاش تغرنى
بس ساعات بقول اهى دنيتى وعايشها
ليه مفرحش زى غيرى كتير واشوفها
ما هو ياربى انت سبحانك خلقتها
بينت فيها ذنوبها وحسناتها
خلينى بحكمه اعرف كل احوالها
واختار بقلبى بس اعمالها
اعمال على جنتى تدلنى
مش للجحيم تشدنى
ارجع ف الاخر واقول انا مهما عشت
اخرها هلاقى نفسى فى لحظه مت
ولا نفعنى لعب ولا لهو فيها
ولا ساعاتها هلاقى فرحه بيها
نور بصيرتى ياربى دى آخرتى كل املى
وجنه وعدت المخلصين بيها
قربها ياربى برحمتك منى
ركز يا مسلم ويا مسلمه
فى آيه كريمه ذكرها ربنا
فيها الدليل اللى ياخد بايدينا
ويبعد فتنتها ولهوها علينا
وَمَا الْحَيَاةُ الدُّنْيَا إِلاَّ لَعِبٌ وَلَهْوٌ وَلَلدَّارُ الآخِرَةُ خَيْرٌ لِّلَّذِينَ يَتَّقُونَ أَفَلاَ تَعْقِلُونَ
(الأنعام 32)
أتِعلم يا مسلم من دلوقتى تأخد احتياطك
اعرف بعقلك تهرب منها
وتغمى عينك وقلبك عنها
ولا يشغلك كل ما فيها
وآخرتك بس ناديها