بجدد نيتى ..

بجدد نيتى

فى كل يوم يارب قبل ما انام
بستشهد وكأن اليوم الجى مفهوش قوام

بجدد ياربى باستشهادى نيتى ليك وحدك
طول عمرى بحسن ظنى ومستنيه وعدك
وبطلب فى سجودى دايما وبناجيك وبندهلك

اكتبلى جنه تجرى من تحتها انهار بفضلك
ورضاك عليا وعلى أمتى شايفاه فى عدلك

مش بس بالليل ياربى بدعيلك
لاخاف مقومش

فى النهار كمان بجدد نيتى
علشان متوهش

وافضل اقول الملك لك
الملك لك
واتمنى ندايا يوصلك

واستنى وقت اذان وبروحى اركعلك
وافضل اسبح واستغفر لحد ما اسجدلك

وياربى مهما اقول مش قادره اوصفلك
بحس براحه وطاعه واتمنى تشملنى بعفوك

ووقت ما تنتهى صلواتى
عمر ما تخلص دعواتى
مش ليا بس ولكل اخواتى

تنعم علينا بلقاء فى الجنه
وان كان لابد نعيش لسه فى الدنيا
بدعيك ياربى فيها كلنا نتهنى
ويفضل الحب تملى ما بينا
ومهما طال الحزن فيها نستنى
لحد ما برحمتك تكشفه عنا

يارب ومهما طالت ايامنا فى الدنيا
بدعيك تثبت بالهدى فؤادنا
ولا يوم شيطان فى طريقه ده ياخدنا

وكل يوم اليك بجدد نيتى ياربى
عشان بخاف لتكون اتاخرت توبتى

وهفضل فى كل يوم اجددها
لحد ما يجى اليوم وحياتى افقدها

ساعتها تحت التراب هتمنى يارب رحمتك
وفضل كبير يوم الحساب بمحبتك