شبكه منتديات مصراوى ديما فى القلب
اداره منتديات مصراوى ترحب بك وتدعوك بتسجيل الدخول اذا كنت مسجل معنا وان كنت غير مسجل تفضل بتسجيل فى المنتدى لتشارك معنا برد او موضوع جديد وشكرااا

شبكه منتديات مصراوى ديما فى القلب

مع مصراوى هتعيش الحياة بشكل تانى
 
الرئيسيةس .و .جالتسجيلدخولالتسجيل

شاطر | 
 

 إنتى*♥♥*مرتبطة؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سمسمة
مصراوى
مصراوى
avatar

نقاط نقاط : 23465

مُساهمةموضوع: إنتى*♥♥*مرتبطة؟   الجمعة ديسمبر 24, 2010 1:01 am

السلام عليكم، موضوع هــام جدا في عصرنا هذا
يا ريت كلّ الشباب - وخاصة أخواتنا البنات - يقرؤونه ويأخذوا العبرة منه..
إنتى*♥♥*مرتبطة؟
-----------------------

أيوة أيوة بكلمك انتى ^_^
ماتبصيش يمين و شمال... هااااا.. مرتبطة ؟

شايفك مستغربة سؤالى...
فى الحقيقة انا شفتك كاتبة على الفيسبوك

انك فى علاقة
In a Relationship

يعنى مرتبطة بواحد مش كده؟

-----------------------

طبعا دى كلمة مش معناها و لا مخطوبة و لا متزوجة...
لا فقط مرتبطة

-----------------------

للى مش عارف معنى الكلمة أحب أوضح أكتر..

كلمة مرتبطة معناها
إن البنت ببساطة بتعرف شاب غالباُ بيكون فى السر
و بيكون بينهم ما يسمى بعلاقة عاطفية

و ممكن يتقابلوا و يخرجوا كمان..
اه عادى و ماله

-----------------------

و ايه المشكلة لما تتقابل بنت مع ولد و يخرجوا؟

إذا كانت مش عاملة حساب لربنا ..
حتعمل حساب لأهلها؟؟

-----------------------

انا ليه شايفك منزعجة من كلامى؟
هو انا بقول حاجة غلط لا سامح الله؟

آآآه انتى مافهمتيش قصدى ايه لما قلت مش عاملة حساب لربنا صح؟

طيب أنا حوضحلك

-----------------------

هو انتى لما تقابلى أو تعرفى شاب فى السر من ورا أهلك ده يبقى حلال و لا حرام؟

مش عاوزة تردى عليا؟

تحبى أرد عليكى انا؟

حرد عليكى و لكن بكلام ربنا اللى شايفك و مضطلع على كل افعالك

قال تعالي : بَعْضُكُمْ مِنْ بَعْضٍ فَانْكِحُوهُنَّ بِإِذْنِ أَهْلِهِنَّ وَآتُوهُنَّ أُجُورَهُنَّ بِالْمَعْرُوفِ مُحْصَنَاتٍ غَيْرَ مُسَافِحَاتٍ وَلَا مُتَّخِذَاتِ أَخْدَانٍ...
(إلى أخر الآية فى سورة
النساء:25)
..عرفتى الرد؟

-----------------------

المسافحات يعنى اللى بيرتكبوا فاحشة الزنا

و كلمة متخذات أخدان يعنى ليهم أخلاء (حبيب) فى السر.. يعنى بتعرف شاب فى السر ن ورا أهلها

يعنى ربنا قال على النساء المؤمنات انهم محصنات علشان مش بيعملوا سفاح و لا بيتخذوا أخدان..

عرفتى حجم الغلط بتاعك قد ايه؟

-----------------------

طيب انتى قريتى كلام ربنا فى الآية الكريمة

قال تعالي : وَلَا تَقْرَبُوا الزِّنَا إِنَّهُ كَانَ فَاحِشَةً وَسَاءَ سَبِيلًا ﴿الإسراء: ٣٢﴾

لاحظى هنا إن ربنا مثلاً لم يقل لا تزنوا... لا ده قال وَلَا تَقْرَبُوا الزِّنَا

-----------------------

ده يعنى ايه؟؟

يعنى نبعد عن الأسباب اللى تؤدى إلى الزنا علشان لا نقع فى الزنا

طيب يا ترى ايه الأسباب اللى تخالينا نقع فى الزنا؟؟

أفندم؟؟ انتى حتعملى نفسك مش عارفة؟

هو انتى بتعملى ايه زيادة عن اللى مكتوب؟

-----------------------

أيوة طبعا حضرتك لما بتكلمى شاب و بتعرفيه فى السر و بينكم ما يسمى بعلاقة عاطفية

مش بتخضعى فى القول ؟
يعنى بتتكلمى بدلع معاه...
ما تنكريش و خالليكى صريحة مع نفسك

و لما يسمع صوتك و انتى بتدلعى بيطمع فيكى و زى ما ربنا قال

قال تعالي : فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَعْرُوفًا

-----------------------

تعرفى يطمع فيكى يعنى ايه؟ يعنى شهوته تقوم عليكى لانك بتشجعيه على كده

طبعا كلامى نرفزك و بتقولى فى نفسك ايه الكلام ده و انت ازاى تكلمنى كده؟؟

إهدى بس شوية و اسمعينى لحد الآخر و ماتكابريش ..الجرح لما حد بيلمسه.. بيؤلم

-----------------------

لما بتخرجوا مع بعض مش بيحاول يمسك إيدك ؟

طبعا فى مناسبات كتير لكده..بيعديكى الشارع مثلا؟

هااا.. حصل مش كده؟

كل اللى بقوله ده و مش شايفة أى أسباب تدعو للزنا فى المستقبل؟

-----------------------

ده حتى الحكمة بتقول نظرة..فابتسامة..فموعد..فلقاء

مش ماسكة إيد و كلام بدلع؟؟!!

-----------------------

طيب تعالى بقة نجمع الكلام كده و نلخصه و نبص للصورة من بعيد

إنتى تعرفى شاب من ورا أهلك

بتكلميه بدلع و بيحصل بينكم كلام غرامى فى السر

بتخرجوا سوا و سعات بيمسك اديكى أو على الاقل بيلمسها

يا ترى عندك تعليق على الكلام ده؟

قال تعالي : مُحْصَنَاتٍ غَيْرَ مُسَافِحَاتٍ وَلَا مُتَّخِذَاتِ أَخْدَانٍ

و انتى متخذة خليل فى السر

قال تعالي : ربنا قال فَلَا تَخْضَعْنَ بِالْقَوْلِ

-----------------------

و انتى بتتكلمى معاه فى كلام غرامى من نوعية بحبك وحشتنى !!

دلوقتى بقة فهمتى لما انا قلت من شوية انك مش عاملة حساب لربنا؟

كان عندى حق مش كده؟

عارفة... الولد اللى تعرفيه ده لو كان فعلا ابن ناس و محترم و مؤدب و بيحبك

زى ما هو مالى دماغك كان عمل ايه؟

كان قالك إحنا لازم علاقتنا تكون فى النور

و ماينفعش نكون فى السر من ورا أهلك...انا لازم أخطبك

لكن طبعا هو مش فى دماغه كده..إذا كان قدر يوصلك و بيسمع الكلام اللى بيحبه

و ضحك و دلع يبقى ياخد خطوة رجالة ليه بقة؟

و ممكن يدخلك دخلت الولد الصح و يقولك انا عايز اخطبك و اقابل اهلك و بعد كده كل شويه

يتحجج بحاجه مرة لما اشتغل لما اخلص لما ... لما ... لما و طبعا دى اخر حاجه هوه بيفكر

فيها اصلا ده ان مكنش عمره مفكر ولا حيفكر فيكى كده
-----------------------

طيب أقولك على معلومة حتضايقك أوى ؟

الشاب اللى تعرفيه ده ما يرضاش ان أخته تعرف شاب فى السر زى ما بيعمل معاكى

عارفة ليه؟ لإن بالمعايير الواقعية أخته أغلى منك عنده

مهما قال و ضحك على عقلك بكلام معسول .. انما الواقع حاجة تانية

-----------------------

شايف فى عنيكى سؤال بيقول بس إزاى حتجوز واحد من غير ما يكون بيننا حب؟

عاوزانى أرد عليكى؟

انتى تعرفى القاعدة اللى بتقول ما بنى على باطل فهو باطل؟

إنتى عندك علم إن أكتر من 70% من اللى بيدخلوا فى علاقة غير شرعية قبل الزواج (مرتطبين عاطفيا) بيحصل بينهم طلاق؟

من ضمن الإحصائيات الكتيرة فى الموضوع ده

فى أستاذ فى علم الإجتماع فى فرنسا إسمه الدكتور سول جور دون

عمل دراسة ميدانية و توصل إلى نتيجة صادمة
حوالى 85% من الزيجات اللى تمت عن طريق علاقات غرامية قبل الزواج انتهت بالطلاق !!

بينما لا تتجاوز تلك النسبة ( 5 % ) في الزيجات التقليدية التي تعتمد على العقل
والتريث ولا تستند الى الإندفاع العاطفي فتنهار عند أول منعطف ..سبحان الله

دى نتيجة بحث من متخصصين فى مجال علم الإجتماع

يعنى بإختصار شديد انتى بتعملى غلط بيغضب عليكى رب السموات و الأرض

و علاقتك دى ربنا لا يبارك فيها

بل غالباً ما سوف تنتهى بفشل ذريع و مؤلم و لو مش مصدقانى افتحى عنيكى كويس

و شوفى الناس و اعرفى اخبارهم حتسمعى قصص كتييرة أوى غرام و حب و كلام من ده و فى النهاية

نكد و قرف و خناق و طلاق فى سنوات الزواج الأولى
(فى خلال 5 سنوات)
عادةً

تعرفى ليه؟؟... لسببين

أولاً.. لإن ربنا لا يبارك فى علاقة غير شرعية و يكون الجزاء من جنس العمل

ثانياً .. علاقات ما قبل الزواج تكون مبنية على أقنعة كاذبة و ردود أفعال معظمها مصطنع غير صادقة
لشخصية الطرفان مهما كانت درجة العلاقة و بينخدع
الطرفين و بيعتقد إن دى الشخصية الحقيقة و بيفتكر انه يعرف كل عيوب الطرف التانى

و لإنك مش عايشة معاه و لا تعرفى حاجة عن عيوبه إلا اللى ظاهر منها..و ما خفى كان أعظم

-----------------------

و طبعا بيحصل الصدمة فى الزواج بعدها لان العِشرة بتبين
اللى دايما كان بيبقى مستخبى عنك فى الشارع أو الكافيه اللى كنتوا بتتقابلوا فيه.
لإنه مش بيظهر ليكى غير اللى هو عاوزك تشوفيه او تعرفيه عنه

-----------------------

يقول د. سول : إن الإندفاع العاطفي يعمي عن رؤية العيوب ومواجهتها ويوهم الشاب والفتاة أن الحب يصنع المعجزات بينما يعمل الطرفان في الزواج
التقليدي على انجاح ارتباطهما ويعرفان أن الزواج مسؤولية وأعباء وتسامح وتنازل ،

في الوقت الذي يعتقد العاشقان أن الزواج رحلة حب لا نهائية تخلو من المشاكل

----------------------------------------------------

لو بتحبى ربنا اقطعى علاقتك بالشاب ده و استغفرى لذنبك و ربنا غفور رحيم

و الشاب ده لو محترم بجد حيخبط على بابك و يخطبك زى الرجالة من أهلك..

أنا بقول الكلام ده لإنك غالية ..و شايفك مش حاسة بقيمتك لإنك لو حاسة فعلا بقيمتك

كنتى قولتى لنفسك أنا جوهرة غالية ماحدش يقدر يقرب منها

إلا راجل واحد بس يستاهلها.. زوجى.

و افتكرى كلام ربنا

قال تعالي : يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ وَمَنْ يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنْكَرِ

ما تنزعجيش من كلامى بس فعلا انتى كنتى محتاجة اللى يفوقك من اللى انتى فيه
واحد يكون كلامه مباشر من غير دبلوماسية و مجاملة
و ربنا يهيدكى و يهدينا جميعاً إن شاء الله

وإلى الشباب... أقول خفِ الله واتقه في بنت المسلمين ولا تغرق في المعاصي بمكالمات الليل والمراسلات واللقاءات من وراء والديها. كل ذلك لا يرضي الله رب العالمين وأنت تعلم ذلك...
لماذا شغلتها بالتفكير فيك طوال اليوم؟؟ ممكن تتسبب في أن تشغلها على ذكر الله وآداء فرائضها بالتفكير فيك... كيف لا تخشى في بنت المسلمين ما تخشاه في أختك أو قريبتك...؟؟ إذا كنت جادا فاصبر حتى تكون قادرا على أن تأتي أهلها أو أهل غيرها من بنات المسلمين

وتذكّر دائما قول الله تعالى: "وَمَن يَتَّقِ اللَّهَ يَجْعَل لَّهُ مَخْرَجًا ، وَيَرْزُقْهُ مِنْ حَيْثُ لَا يَحْتَسِبُ ۚ وَمَن يَتَوَكَّلْ عَلَى اللَّهِ فَهُوَ حَسْبُهُ ۚ إِنَّ اللَّهَ بَالِغُ أَمْرِهِ ۚ قَدْ جَعَلَ اللَّهُ لِكُلِّ شَيْءٍ قَدْرًا" الطلاق 2 3
اللّــهم اهد بنات ونساء المسلمين يا رب

----------------------------------------------
للعِلم كاتب الموضوع راجل
يعنى دى فكرة اى راجل بيمشى مع بنت
ودى بتكون نظرته ليها
ياترى انتى ترضى ده على نفسك أختي المسلمة ؟؟

حفظـــــــ♥♥♥ـــــــــكن الله.. الرحمن مسيّر الكون
ولا تنسونا من صالح دعائكم


ربي لا تكلني إلى أحد ، ولا تحوجني إلى أحد ، وأغنني عن كل أحد ، يا من اليه المستند ، وعليه المعتمد، وهو الواحد الفرد الصمد ، لا شريك له ولا ولد ، خذ بيدي من الضلال إلى الرشد ، ونجّني من كل ضيق ونكد
.........اللهم إني أسألك الأنس بقربك...........
الرجوع الى أعلى الصفحة اذهب الى الأسفل
 
إنتى*♥♥*مرتبطة؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكه منتديات مصراوى ديما فى القلب :: خاص بشباب :: قسم بنات مصراوى-
انتقل الى:  
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» [كود Css] تجميل المنتدى ايطارات منقطه حول الاقسام والمساهمات والمواضيع [مميز]
الأحد فبراير 17, 2013 4:53 pm من طرف مى

» اقدم لكم كود راديو القران الكريم
الأحد فبراير 17, 2013 4:42 pm من طرف مى

» كود فتح الاعلان أو البانير بصفحة مستقلة
الأحد فبراير 17, 2013 4:34 pm من طرف مى

» دعونى اقول لكم مواصفات شريك عمرى :)
الجمعة يناير 25, 2013 5:47 pm من طرف سمسمة

» معادلات قـلـبـي
الأربعاء يناير 23, 2013 11:27 pm من طرف مى

» طلبات الاشراف لاعضاء المنتدى
الإثنين يناير 21, 2013 1:24 am من طرف مى

» مصر تنادي هل من مجيب معاً لبناء مصر
السبت يناير 19, 2013 4:21 pm من طرف مى

» احزاني...........
الأحد ديسمبر 30, 2012 3:56 pm من طرف سمسمة

» **بعض من قصص الأنبيــــــاء **
الإثنين نوفمبر 19, 2012 7:46 am من طرف mohamad_metwaly

» فيلم الاسطورة والحب والاكشن The Mask Of Zoro
الأربعاء نوفمبر 30, 2011 8:58 pm من طرف night_fox

» كود به شريط آيه الكرسي بأعلى المنتدى
الثلاثاء سبتمبر 13, 2011 8:23 pm من طرف memo elking

» صالح حبيبك فى 8 خطوات...مهما كانت غلطتك
الخميس أغسطس 25, 2011 4:55 pm من طرف سمسمة

» طلبك موجود
الخميس أغسطس 25, 2011 8:10 am من طرف ابو مصعب

» اغانى اجنبى روشة جدا خش وشوف
السبت يوليو 23, 2011 9:04 pm من طرف محمد حبلص

» كود (البسملة) بناءا على طلب الاعضاء..
الخميس يونيو 30, 2011 7:12 pm من طرف رستم النوايا الحسنة

أفضل 10 أعضاء في هذا المنتدى
سمسمة
 
mimi
 
لحظه وداع
 
RamY
 
ريهام
 
khaled
 
مى
 
امير العذاب
 
Haider Nor
 
العاشق
 
راديوهات مصراوى ديما فى القلب
جديد راديو محمد جبريل قرأن 24 ساعه
القران الكريم24 ساعه بصوت القارئ الشيخ محمد جبريل

جديد راديو محطه مصر
راديو محطه مصر

راديوهات مصر فقط وحصريا على منتدى مصراوى
راديو القاهره

اسمع راديو سوا

نجوم اف ام

راديو روتانا

راديو الاقصى

راديو رحاب

راديو تامر حسنى

راديو عمرو دياب

راديو محطه مصر

القران الكريم24 ساعه بصوت القارئ الشيخ محمد جبريل

مصراوى ديما فى القلب
الساعه الان بتوقيت مصراوى

.: عدد زوار المنتدى1/6/2010 :.


الساعة الان  بتوقيت اسم مصر
جميع الحقوق محفوظة لشبكه منتديات مصراوى ديما فى القلب

Powered by phpBB2 ® Ahlamontada.com
http://masraawy.yoo7.com
حقوق الطبع والنشر©2010 - 2009

 
 
جميع الحقوق


 


Free CursorsMyspace LayoutsMyspace Comments
منع النسخ
منع النسخ نهائى