إفــــــــــــــرح بقي
بطل غم وهم وكـــــآبه ... عارفه إن إللي واجعك كتير
وشايل هم كبيـر
بس حاول تفتكره وتقوله على همك وغمك
ماهو أكيد بيحبك
أنا كمان عندي حزن كبير وهم تقيل
وبحاول بجد ... بحاول انســـــــــــى
أنا مش بطله ولا جامده
بس أنا بحبه وبقوله كده كل يوم أكتر من خمس مرات في اليوم
أنا بحبك وعارفه إنك مش هتسبني كده وأنا قلبي بيوجعني
بجد قلبي بيوجعني وعارفه إن إللي زيي كتير
ماهو طلع ميستهلش قالي إنه راجل وهبفضل معايا وهيبقي زوج صالح ويعنني على الدين والدُنيا وطلع كله كلام وأوهام ورغي والسلام
وغيري قلبه بيوجعه ساب شغله وقاعد في البيت مخنوق
مش طايق حتى أي كلمه من أي حد .. طيب وهو مين إللى
رزقك من البدايه ومعاك لحد النهاية
!!!!!!!!!!!!!!!!!!!
وغيري قلبه فيه وفيه وفيه .........
إفرح بقي .. فرجه قريب
وحاسس بيك وعالم باللي فيك
عارفه ان الكلام سهل والتطبيق صعب .. ولا أقولك لأ
مش صعب ده سهل أوي
طول ما أنت عارف انه أرحم بيك من نفسك لأ وأرحم
بيك من أهلك
لان ده الجبــــــــــــــار عارف ياعني إيه
ياااااااااالله يا جابــر كل كسير .. لا ملجأ منك الا اليك
قولها من قلبك
تعرف تعمل كده وبجد هترتــــــــــــاح
وخليك حسن الظــــــــــــن بالله عزوجل ولانسيت الحديث ده
عن أبي هريرة - رضي الله عنه - قال : قال النبي - صلى الله عليه وسلم - : يقول الله تعالى : أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة - رواه البخاري و مسلم
.
.
أحبك ياربي
يا أرحم الراحمين فاغفر لي
وارحمني