سقط سهوا
ايه ده هو راح فين ؟
بسم الله الرحمن الرحيم
دورى عليه كويس
ان شاء الله حتلاقيه
لا مش لاقياه خلاص
باين عليه وقع منى و أنا مش واخدة بالى
هو ايه ده ؟
قلبى
سقط سهوا منى
من غير ما أخد بالى
بقيت بصلى كده بسرعة من غير قلب حاضر
اليوم بيطير منى بسرعة ما بين نوم و أكل و الكلية
بقيت كسولة جدا
و لا بذاكر و لا بقرأ قرآن و لا بسمع دروس و لا أى حاجة
استغفر الله العظيم
مش حاسة انى عايشة خالص
حاسة انى بعدت قوى عن ربنا
قلت أصوم عشان أتعلم أتحكم ف نفسى شوية و أقرب من ربنا تانى
صومت لكن برضه كنت بصلى من غير خشوع و لا تركيز خالص
ليه كده بس
قلت أنام بدرى بعد العشاء و أصحى بدرى
صحيت
أتوضيت و صليت
برده مش حاسة بقلبى خالص
مش لاقياه
مش قادرة حتى أبكى لربنا عشان يسامحنى
لا اله الا أنت سبحانك انى كنت من الظالمين
يا رب سامحنى
يا رب أنا ماليش غيرك
ما تسبنيش كده أرجوك
أنا عارفة انى غلطانة
و غرقت ف الدنيا و بعدت عنك
يا رب أنا شقية و أنا حاسة انى بعيد عنك
و عارفة أنك يا رب زعلان منى
سامحنى يا رب
أنا بحبك قوى يا رب
بس أنا أسفة لأنى بعدت قوى كده
توضأت تانى و صليت
و قبل ما أصلى دعيت ربنا
يا رب
قلبى يا رب
عايزة قلبى تانى يا رب
الله أكبر
بسم الله الرحمن الرحيم
الْحَمْدُ للّهِ رَبِّ الْعَالَمِينَ ﴿2﴾ الرَّحْمنِ الرَّحِيمِ ﴿3﴾
حسيت برحمة ربنا تتنزل ع قلبى
مَالِكِ يَوْمِ الدِّينِ
يوم الدين .. يوم القيامة
ف لمحة سريعة تذكرت اهوالها و صعوبتها
و انا مش مستعدة لليوم ده خالص
معيش حاجة ف الدنيا ديه غير الذنوب
إِيَّاكَ نَعْبُدُ وإِيَّاكَ نَسْتَعِينُ
إِيَّاكَ نَعْبُدُ وإِيَّاكَ نَسْتَعِينُ
إِيَّاكَ نَعْبُدُ وإِيَّاكَ نَسْتَعِينُ
إِيَّاكَ نَعْبُدُ وإِيَّاكَ نَسْتَعِينُ
يا رب بك أستعين على نفسى و ع الشيطان
سامحنى
اهدِنَا الصِّرَاطَ المُستَقِيمَ
اهدِنَا الصِّرَاطَ المُستَقِيمَ
اهدِنَا الصِّرَاطَ المُستَقِيمَ
اهدِنَا الصِّرَاطَ المُستَقِيمَ
يا رب اهدينى لسبيلك
اهدنى لصراطك المستقيم
صِرَاطَ الَّذِينَ أَنعَمتَ عَلَيهِمْ غَيرِ المَغضُوبِ عَلَيهِمْ وَلاَ الضَّالِّينَ ﴿7﴾
بسم الله الرحمن الرحيم
من غير ما أفكر لقتنى بقرأ سورة الضحى
وَالضُّحَى ﴿1﴾ وَاللَّيْلِ إِذَا سَجَى ﴿2﴾ مَا وَدَّعَكَ رَبُّكَ وَمَا قَلَى ﴿3﴾
ربنا بيرد عليا و بيقولى أنا مش حاسيبك
مَا وَدَّعَكَ رَبُّكَ وَمَا قَلَى
وَلَلْآخِرَةُ خَيْرٌ لَّكَ مِنَ الْأُولَى ﴿4﴾ وَلَسَوْفَ يُعْطِيكَ رَبُّكَ فَتَرْضَى ﴿5﴾ أَلَمْ يَجِدْكَ يَتِيمًا فَآوَى ﴿6﴾ وَوَجَدَكَ ضَالًّا فَهَدَى ﴿7﴾
وَوَجَدَكَ ضَالًّا فَهَدَى
بجد
بجد يا رب حتهدينى تانى
بجد يا رب حتتقبلنى عندك مرة أخرى
أقوى عذاب لما بحس أن ربنا مش راضى عنى
بجد بحس أنى حاموت
لكن الحمد لله ربنا كريم قوى و ودود و بيعطف علينا
نحن عبيده المخطئين
الظالمين لأنفسنا
ساعات الدنيا بتسرقنى
و مش باخد بالى و أبعد
و الشيطان و نفسى الأمارة بالسوء يشتغلوا عليا
و يعذبونى
بجد بيعذبونى لما ببعد عن ربنا و لو شوية صغيرين
ذنوب بقى و يفكرونى بكل الهموم اللى ف الدنيا
و أغرق ف حزن و كآبة فظيعة
و أحس أنى عايزة أقفل عليا أوضتى و أطفى النور و أقعد أبكى
يا رب
يا حبيبى
يا سيدى و خالقى و مولاى
سامحنى
ماليش غيرك ف الدنيا ديه
ربى أنى ظلمت نفسى و ان لم تغفر و ترحمنى للأكونن من الضالين و الخاسرين
ربنا لا تؤاخذنا ان نسينا أو اخطأنا
يا مقلب القلوب ثبت قلبى ع دينك
ربنا لا تزغ قلوبنا بعد اذ هديتنا اليك بالايمان
نقاط
موضوع: سقط سهوا !!! 
