هاى ..ازيكو
النهارده جايبلكو توبيك جه على بالى
ليه دايما معظم الشباب والبنات بيترسمو فى اول العلاقه؟؟
بمعنى البنت اول ما تتعرف على ولد فى اول علاقتهم
1_ترقق صوتها ...بالرغم ان صوتها اقوى من حنجره على الحجار
2_تعمل نفسها بتتكسف ووشها بيحمر....معا انها كانت بتنزل تشترى البطاطس والباميه بالجلبيه
3_تفضل تقول معلش مش هقدر اخرج ..اصل بابا من النوع المحافظ.....ولا هوا محافظ ولا وزير حتى ..بس هيا بتغلى نفسها عشان الواد يريل اكتر
4_تحبه يتصل بيها كتير وهيا تعمل نفسها تقيله ومش على بالها ..معا ان لو طنشها ....ممكن تخترع اى حجه عشان تكلمه
5_تلاقيها فجاه بقت تشترى خواتم واكسسوارات وسلاسل وشنط..قال يعنى الموضه نزلت دلوقتى وتحس ان انتا ماشى معا بوتيك مش بنت ههههه
6_تلاقيها تقولك انا مش مهم حبيبى يكون غنى ...وتلاقيها هتموت وتاكل سندوتش من كووك دوور
7_لو اتكلمت بواقعيه تسترخمك لكن لو كدبت عليها وقلتلها مثلا انا سافرت كوكب المشترى او اخترعت البنسلين ...تموت فيك اوى ههههه
8_طول الوقت تحطك فى اختبارات...تتصل بيك ساعه الماتش وانتا بتتفرج ومشغول...تتصل بيك وانتا معا صحابك...تتصل بيك وانتا بتزاكر وتقولك مش قصدى اعطلك هههههه...طبعا دى حركات عشان تشوف هيا غاليه عندك ولا لا ولو بتحبنى بقى خد على دماغك لازم اقرف اهلك ههههه
9_ممكن لما تتصل بيها صاحبتها ترد عليك..وتلاقى صحبتها جريئه وتفتح معاك حوارات وتشوفك هتندمج ولا لا...طبعا هيا اللى متفقه معا صاحبتها عشان تشوفك هتريل ولا تقيل هههههه
10_تقولك دادى ومامى ..معا انك ممكن تسمع صوت ابوها بيجعر وينهق وبينده على امها ...انتى لسه معلمتيش الاكل يا فتكات ..واقعه امك مهببه ههههه
11_طبعا فى عيد الحب لو اتصلت بيها 43 مره يبقى انتا لازقه وواد فاضى.....لو اتصلت مرتين يبقى انتا مش بتحبها ...لو ماتصلتش بقى هيا هتتصل ههههههه
12_طبعا لو حصل وخرجت معاها..هتقولك الرجل ده بيعاكسنى او اللى ورايا بيصورنى بالموبايل ...او البنت دى بتشتم امى فى سرها...لازم تشوفك هتدافع عنها ولا لا...طبعا لو عملت عنتر ورحت قتلت الواد يبقى انتا بتاع مشاكل هههه....لو رحت واتضربت يبقى انتا بتحبها اوى وتصعب عليها ...لو مارحتش يبقى انتا عيل سيس
13_لو قلتلها انتى حلوه وزى القمر ووصفتها جامد يبقى انتا عيل عينه زايغه وبتاع بنات ...لو ماقلتش خالص يبقى انتا مغفل واعوزب بلله
14_طبعا لو شافتك مخلص فى مزاكرتك او شغلك ..تبقى ممل
اما لو قلتلها انا رايح اقدم فى ستار اكاديمى لاكتشاف الحيوانات
يبقى انتا مووووز وروش روش جامد طحن
15_ طبعا لو قلتلها ممكن اقابل بابا..هتفرح من جوا وتخترعلك اى حجه عشان ماتقابلوش ..خلاص هيا كده ضمنتك انك جاد وهتتجوزها ..فلازم تخش على الخطوه التانيه وهيا الاختبارات الفتاكه عشان تشوف درجه صمودك معاها ..............
اما لو ماقلتش..يبقى انتا واد ملعب وبتتسلى بيها
__________________________________________________
الشباب بقى
باختصار ...هتلاقيه عامل نفسه مقطع السمكه وديلها وعارف بنات بعدد شعر راسه
طبعا على الموضه وبيسقط البنطلون والحظاظه والسلسه وفاتح صدره
طبعا السجاير ومارلبورو احمر...طبعا دى العلبه من بره لكن السجاير نفسها كليبوباترا
يعزمها بقى على بيبسى وواحد شبسيكو مضلع ..قال يعنى الواد غنى ..معا ان هوا ممكن يروح مشى بعد العزومه دى
طبعا كلمنجى ومحسسها انها احلى بنت شافها وانها احلى من ميريام فارس ونانسى ...وتلاقيه بيبص على اللى رايحه واللى جايه وهيا واقفه معاه
طبعا لازم يتصل بيها فى الاول كل شويه عشان يحسسها انو بيحبها وخايف عليها معا ان لو واحد صاحبه جاله ولا هيفكر فيها ولا يعبرها
طبعا يحكيلها عن احلامه وطموحاته ونفسه يبقى جورج كلونى او احمد زويل ...وتلاقيه بينجح بمقبول
^_^
___________________________________________________________
يارب يكون الموضوع عجبكو..انا الحاجات دى بشوفها بجد وبقع على الارض من الضحك وممكن اتقلب زى سمكه فى الارض هههههه
اهم حاجه يا جماعه البساطه والتلقائيه
اشوفكو على خير يا رب
^_^