بيقولوا الحب بعد الجواز مش موجود

بيقولوا الحب بعد الجواز مش موجود
وإن الخطوبة أجمل فتره فى الحياة

وإن..وإن...وإن

لا..طبعا

هو الحب وردة وقلب وغنوة ونيل و هوا و مية ؟
الحب بيتترجم لأفعال إيجابية يمكن مش بتشوفوها ..
إلبسوا معاية نضارة بالأشعة الفوق المعنوية
واتفرجوا معاية
و قولوا انتم بلاش أنا
بابا و ماما طول النهار قدامكم صح فاكرين يوم ما بابا اتأخرلم...ا كان مسافر ماما وقفت إزاى تستناه رايحة جاية بصيتوا لوشها؟
شفتوا الخوف والقلق والفزع ؟
سمعتوا دقات قلبها و هي خايفة

ما هو ده الحب إنك تخاف على حبيبك من الخطر


شفتوا بابا و هو شايل شنطة سفر ومعاد الطيارة بعد ساعةوقلبه بيتقطع و هو بيبوس راس ماما وبيمشى و دموعه بتجرى على خده ..أول مره تشوف بابا بيعيط

ما هو ده الحب إنك تكره فراق حبيبك


فاكر لما ماما كانت عيانة وحرارتها عالية وبابا واقف فى المطبخ بيطبخ بدالهاوهو راسم على وشه إبتسامة حنان و عطف عليكم بس ابتسامة مخنوقه..مخنوقه بألم

ما هو ده الحب برده إنك تتألم لألم الحبيب


شفتى بابا لما مر بظروف صعبة أد إيه كانت ماما واقفه معاه واستحملت حاجات كتير
ما هو ده الحب برده على الحلوه و المره


فاكر لما ماما فضلت واقفه تصحى بابا علشان صلاة الفجر وراسها كانت بتقع وفضلت لحد ما قام و صلى
ما هو ده برده الحب انك تخاف على حبيبك من نار جهنم
مش تكون سبب فى دخوله نار جهنم
يبقى الحب حنان وموده ورحمة وموجود جوانا فعلا
حا يطلع حا يطلع بس كل شيء بأوان
{ وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ}

طب هوه لية الحب بيظهر وقت الشدة بس ولية اصلا مش بنحب نظهر الحب دة لناس كلها لية لازم يبقي مخفي اغلب الوقت مع ان المفروض نظهر الحب والمودة والرحمة ولية مش يبقي الحب واردة وغنوة ونيل لية دايما الرومانسية عند العرب لازم تبقي في السر لية كلمة بحبك دايما بتتقال بصوت واطي حتي لو بين واحد ومراتة مع ان الوردة والغنوة وخروجة علي النيل بعد الجواز بيبقي ليها طعم تاني

المشكلة الاكبر ان ممكن يبقي اتنين متجوزين وحبهم لبعض سر مش بيظهر الا عند الشدة

هيه فعلا مشكله و اكيد انا مش قصدى ان الحب مش ورده و وغنوة و نيل بالعكس الحجات دى جميله جدا و بالعكس بتحسس الطرف التانى بحبك ليه

بس انا هنا قصدى ان احنا بننسى ان ده مش الحب
يعنى لو فى اتنين بيحبوا بعض زى ما بيقولوا بيفتكروا ان فسحتهم و خروجهم و الحجات الى بيعملوها قبل الجواز دى كلها هى الحب الى بنهم و لما مش بيقدروا يعملوا الحجات دى بعد الجواز عشان ظروف الحياة و بيكون غصب عنهم
الناس تفتكر ان الحب مش موجود مع انهم لو دققوا شويه فعلا فالمواقف دى بيلاقوا الحب موجود بينهم مش لازم عشان مش بنخرج بيقى مش بنحب بعض او الحب اختفى

لا الحب فقلوبنا و احنا الى نقدر نخليه دايما موجود و احنا بردو الى نقدر نضيعه من ادينا

مهمه همه نفس الشخصين الى حبوا بعض قبل جوازهم ايه الى حصل بعد الجواز بالعكس حبهم زاد اوووووووووى لانهم بقوا قريببين لبعض اوى
يمكن اللهفه و الكلمه و الهمسه الى كانوا بيتقالوا بكسوف و خجل عشان محدش ياخد باله بقوا بيتقالوا عادى فبقينا بنسساهم و بنفتكر الحب مش موجود

عمر الحب بعد الجواز مش حيبقى موجود لو الطرفين حاولوا بكل كيانهم يحافظوا عليه بجد عمرة محيتنسى