زواج الصالونات....هل تفهمونه حقا يا شباب؟

السلام عليكم ورحمة الله وبركاته
زواج الصالونات
لا أدري لماذا هو مكروه ومنتقد من البعض بزعم أن الزواج لابد أن يكون عن حب وأن زواج الصالونات ليس فيه حب

للأسف الحب مظلوم
لا يفهم كما يجب
الحب ليس شيئا فجأة يوجد وفجأة يختفي
هو تماما كالهرم يبنى شيئا فشيئا
بيدك وبيد شريك حياتك
وهو يكبر بعد أن يقوم على قاعدة صحيحة بين زوجين وفقهما ال...له في إختيار بعضهما البعض
لهذا نصح الحبيب صلى الله عليه وسلم بذات الدين
لأنها إن انصرفت عنها بعملك أو سفرك أو مشاغل الحياة ستظل تبني وتحمل الطوب لتكمل الهرم حتى تلقاك وهيقانتة حافظة للغيب لأنها أصلا صالحة

وأيضا الزوج الصالح إن شغلت عنه زوجته بالعيال والحمل والولادة
سيظل يبني الهرم
ويغض بصره ويحنو عليها ويربت على كتفها حتى تعود للبناء معه

وأما وهم الحب الغير واقعي والأغاني والرومانسية والقلوب والورود
ترى فيه فقط فاترينة
وتكمل أحلام يقظتك بالقشرة التي صورتها للحبيب المزعوم
وكل ما تشعر به من حلاوة هي نتاج أحلام يقظة أنت فقط طرف وحيد فيها ترسمها مع نفسك
الواقع غير الأحلام تماما



زواج الصالونات هو نعمة
( بمعناه الصحيح وليس بالمعنى الدارج بين الناس والمنتقد لأن هناك من يفسره أنه زواج بين لوحين من الثلج لا يعرفان بعضهما ويفشلان في النهاية)
ومعناه الصحيح :
الزوج شريف سلك الطريق الصحيح ولم يلف ويدور
واضح يكشف كل أوراقه وما معه ولا يخدع من أمامه
العروس ملكة معززة مكرمه في بيت أبيها تطلب ولا تهان ولا تواعد من خلف ظهر أهلها بدون علمهم


فقط لابد أن تتحدث إليها بذكاء(وأنت أيضا أختي)..وإن لم تتمكن من إتخاذ قرار أطلب الزيارة مرة أخرى ولا حرج
ومن يرفض هو المخطيء
تخير كلماتك واضبط مشاعرك لتستطيع أن تتفهم الشخصية التي تتعامل معها
ولا تنسى(وأنت أيضا) صلاة الإستخارة...وابدأ بها
فأحيانا تقبل بكل جوارحك ويصرف الله عنك الزواج برفضها لك إستجابة للدعاء
(اللهم إن كان في هذا الزواج شر فاصرفني عنها واصرفها عني واقدر لي الخير حيث كان ثم ارضني به)
فلا تحزن إن رفضتك
(ولا تحزني إن لم يعود مرة أخرى)
نسأل الله أن يعلي الهرم الذي ستبنيه إن شاء الله بزوجة تقية عفيفة تبنيه معك
من الصالحات القانتات الحافظات للغيب
وأن يرزقكِ أختي بزوج على دين يتقي الله فيكِ

هل تفهمونه حقا يا شباب؟
أم نجح البعض في تشويه معناه الحقيقي تحت مسمى الانفتاح والحرية والحب قبل الزواج

بس يا سمسمة دي مش قاعدة لا كل التجوزو عن حب كانت جوزات فشلة


ولا كل جوزات الصالونات نجاحة

يعني حتي لو شوفتي عشر مرات تفتكري كدة بقتي علي استعداد انك تبقي انتي وهوه في بيت واحدة
عرفتي هوه بيفكر ازاي حدودو اية بيتعامل مع الناس ازاي

اكيد وحنا بنتعرف علي حد لاول مرة بناخد فترة طويلة اوي علي منبقي بطبعتنا معا

انا ان لو مثلا واحد جارك وانتي عارفة كويس وعارف اهلو اتقدم ليكي وانتي مش حسة بحب
دة ممكن تفكري

واحد زميلك ممكن بردو

لكن لما تبقي واحد جاي من طرف طنط كذة عشان يشوفك ولو عجبتي هيتجوزك دة يبقي هبل


لان طبعا مش هيحكم علكي من اول مرة الا من الشكل

حتي لو بعد عاشر مرة بردو هيبقي من المظهر الخارجي وبس



يبقي في الوقت دة لا والف لا للجواز الصالونات

ولازم يبقي في حب حتي لو بنسبة ضعيفة [ندعوك للتسجيل في المنتدى أو التعريف بنفسك لمعاينة هذه الصورة]

طيب فى سؤال يا ميمى هوه الحب بين اى ولد و بنت يعنى هوه الى بيبقى من اول نظرة اكيد لا اكيد بعد مرة و اتنين و تلاته
و غير كده فى حاجه اسمها قبووووووول يعنى انتى بتحسى البنى آدم ده انا مستريحاله او لا
و اكيد الحب حيتولد بينكم لو حسيتى فعلا بانه انسان كويس و يستاهلك
و بيبقى فى فترة خطوبه دى اسمها فترة تعااااااااارف يعنى امال همه عملنها عشان نتفسح و نهزر اكيد لا دى عشان ياخدوا على بعض و يحسوا ببعض و يشوفوا حيقدروا يكملوا عمرهم مع بعض ولا كل واحد فينل يروح لحاله

ثالثا و دى اهم حاااااااجه صلاة استخارة و الى بنصح بيها اى بنت مهما كان البنى آدم ده تعرفه و عارفه كل حاجه عنه و عارفه اخلاقه و عارفه انه بيموت فيها مش بيحبها بس صليها و اكيد ربنا حيكتبهولك لو ليكوا خير مع بعض

بصى يا سمسمه اول حاجه الحكايه نفسها مش مقبوله يعنى ايه البنت قاعده فى البت وتلاقى مره واحده الباب بيخبط
وعريس جاى يطلب اديها وحتى لو حصل وفتره الخطوبه طولت شويه لحد ما يفهمو بعض مش هيقدرو لان ديما بيكون اهل ا
العروسه موجودين معاهم مش بيقدرو يتكلم ولا يعملو اى حاجه وكمان انا مش من كده بشجع البنت الى تحب الولد وتخرج معا وحجات كتير اوى كده ممكن تحصل لان فى الحاله دى البنت دى مش تنفع تكون زوجه بس على الاقل اوى يكون فى فرصه انهم يكونو لوحدهم برضو يكونو اهلها مرقبنا لو مش وثقين فيها لان بصراحه الولد او البت فى حاجه زى دى بيتعزبو كتير جدا وبيتجوزو ومش بيقدر يعرفو عن بعض غير الاسم وبس واكيد هو ده السبب فى قواضى الخلع الى مغرقه محكمه الأسره

بصي يا سمسمة تخيلي انك دلوقت طنط كذة

جيبالك عريس

ومطلوب منك تتعرفي عالية وتشوفي بيفكر ازاي

وشايفة بنسبة لاي هتبقي اية

يعني هتبقي حببتة وام ولادة ومراتة واقرب انسانة لي

ولا مجرد واحدة جاي يشوف شكلها لو عجبتة هيكمل ويبقي عندة استعداد يتعرف علكي بس دة طبعا مش لمدة طويلة لان الجواز دة اصل ممكن تكوني في بيتة في اقل من سنة

لان العريس جاي ياخد العروسة عشان هوه بقي مستعد يتجوز
يعني عايزك للجواز وبس


انا بقي عايزة اعرف منك رد كام سؤال

1_ لو جاة وشكلك مش عجبة تفتكري هياخد وقت علي ميشوف شخصيتك مش شكلك

2_ هتقدري تعرفي عيوب ومميزات الشخص دة في مدة قد اية


3_ هتبقي وثقة انه بيقولك كل حاجة بصدق وانه مش بيداري عيوبه


4_ انتي نفسك هتاخدي عليه في مدة قد اية


5_ انتي قولتي لما هتحبي واحد بعد مرة او اتنين او تلاتة

بس لو مش حصل من اول مرة هيبقي اقلبمك هو لاختار

لكن مع العريس بتاع طنط كذة

انتي مدية اوردر لقلبك انه يشوف الشخص دة يتحب ولا لا


الحب ياسمسمة في حد ذاتة شي جميل

حتي لو بعد كدة اكتشفتي ان اختيارك دة غلط

بس علي الاقل عشتي وشوفتي وجربتي وتعلمتي


بس هقولك علي حاجة

لو انتي مثلا في شغلك وليكي زميل وعارفه كويس وختي وقتك في الحكم علية

وتقدم لكي


بس حسة انك مش بتحبي

الحاله دي مش بيبقي ارطباط صالونات

لان في مجال تاني غير اعدة نص او ساعة العرفتكم ببعض



وفي الخر احب اقولك الاختلاف في الراي لا يفسد للود قضية

ولا انتي رايك اية

اما انت بقي ياحمد

فحب اقولك حاجة

موضوع ان البيت بتخرج وتعمل حاجات عيب مع الولد دة بقي قديم اوي

وكل بينت بقت عارفة ومتاكدة ان الولد البيحبها هيخاف عليها
وحته لو قبلتة بره هيخاف عليها


ولعلمك انا لية واحدة صحبتي

كانت بتحب واحد زملنا من وحنا في اولة ثانوي وهو كنا معنا في نفس المدرسة
بس هوه سنة تانية

وكان بيبقي معنا في الباص والرحلات والدروس وكمان كنا بنخرج معا

وضلت معا سبع سنين من غير خطوبة

وتخطب بعدها لية سنة

ولسة متجوزين من اسبوعين


والله والله والله ياحمد دي حكاية حقيقية


يعني موضوع البينت البتخرج وبتمشي مع الولد

مش بقي معنها انها مش تنفع للجواز



البنت في الاول والاخر ليها قلب وقلب بيعشق بجد
يوم ما بتحب بضحي وبتوفي

وبتعيش علي امل ان بكرة ربنا هيجمعهم مع بعض


وبعدين استنا مانت نفسك مش بتحب

محتاج مامتها او بابها

عشان تخاف عليها او تراعي ربنا فيها
او حتي محتاج حد يقولك اتقي ربنا فيها


مش كل الشباب كدبين وبيضحكو علي البنات

ولا كلهم بيرعو ربنا فيهم


بس الاكيد بتصرفات البنت وعقلها هتعرف تحكم هوه بيلعب ولا بيحي بجد

وصدقني يوم متلاقي حد بيحبك اوي وتلعب بي

مش هوه البيخسر لا انت
سوءكان بنت او ولد

انك تحب وتتحب دي نعمة من عند ربنا البيضيع النعمة دي عمرها مهتتعود

اولا كده لو عندك واحده طنط ليه ابعتيها موافقه جداااااااااااااااااا ههههههههههههه

بصى يا ميمى البنى آدم الى انتى بتقولى عنه ده انه جى يتتجوز و خلاص طيب هوه ايه العيب فكده ده واحد جد راجل بمعنى اصح مش لف و دار عليكى و يعالم حيدخل بيتكم فالاخر ولا لا
و هوه فعلا عايز زوجه و خلاص بس مش معنى كده انه مش حيحبها او اى حاجه تانيه
طيب لو انتى حبيتى ولد انتى حبيتيه ليه عشان يبقى حبيبك و خلاص ولا عشان يبقى زوجك و ده الهدف الى انتى عيزاه

و احنا لو شفنا كل الى بيحصل بين اى ولد و بنت بيحبوا بعض مهمه فالاول بردو مش بيكونوا عرفين بعض و بعد كده بيفهموا بعض و بيتعرفوا اكتر بمرور الوقت
اكيد فالاول كل الى بينهم بيكون اعجاب من الطرفين
و هوه ده الاعجاب الى احنا بنقول عليه بين اى اتنين حيتجوزوا جواز صالونات زى ما بيقولوا

الفرق الوحيد انك 1- مش حتخدى زنوب 2- كل واحد بيحاول يوصل للتانى بالطريقه الح 3-انتى عارفه النهايه بينكم ايه مش على كف عفريت خايفه يكون كداب خايفه ميتقدمش خايفه يتقدملك الى احسن منه و اهلك يكونوا عيزينه ليكى و رفضتى يحسوا بحاجه خايفه انه تحصل بينكم مشكله و كل واحد يروح لحاله

طيب ليه الخوف و القلق ده كله تحطى نفسك فالموقف ده ليه



انا بقي عايزة اعرف منك رد كام سؤال

1_ لو جاة وشكلك مش عجبة تفتكري هياخد وقت علي ميشوف شخصيتك مش شكلك

سورى يعنى يغووووووووووور هههههههه انا عن نفسى عايزة بنى ادم يحبنى و يختارنى زوجه ليه عشان شخصيتى مش عشان شكلى و على فكرة الناس دى مش بتيجى و تخبط على الباب غير لما بيكون سال كويس اوووووووى عن الاخلاق و الاهل و كده يعنى و الحجات دى بتبقى مبررات بتخليه يفكر كويس اوى

و على فكرة اهم حاجه المفروض الولد يدور عليه فالبنت و الشباب بينسوها كتييييير (اظفر بذات الدين تربت يداك ) يعنى دينها ثم دينها ثم دينها

مش شكلها و الحجات دى بس اكيد لازم يكون فى شويه اعجاب من نحيته بيه مش يكون شايفنى واحده استغفر الله العظيم مهو كده يا فرحتى ده مش حيبقى طايقنى و حلاقيه كل يوم مع واحده

2_ هتقدري تعرفي عيوب ومميزات الشخص دة في مدة قد اية

فى حاجه اسمها راحه نفسيه للبنى آدم الى قدامى ده و كمان مهو زيه زى اى واحد تانى مهو جايز تكونى بتحبى واحد و تعرفيه بقالك مده و بعد الجواز تلاقيه بنى آدم تانى خالص ساعتها حيبقى اختيارك انتى و حتى صدمتك دى مش حتقدرى تقولى عليها مهو انتى الى كنتى عيزاه و متمسكه بيه
اما بقى لو كان من طريق الاهل فلا اهلك حيدوله فوق دماغه و يعرفوه انه مش واخد بنت من الشارع

3_ هتبقي وثقة انه بيقولك كل حاجة بصدق وانه مش بيداري عيوبه

حقولك بردو انه زيه زى البنى آدم الى بتحبيه بل بالعكس حتلاقى الى عامل فيها عمو فنتينوا ده بيحسسك انه الملاك الى بيمشى على الارض و بعد كده خدى اكبر صدمه فحياتك هوه الكلام عليه فلوس

4_ انتي نفسك هتاخدي عليه في مدة قد اية

زيه زى اى واحد حيجى يقولى بحبك مهو لازم فى وقت مش حيخطبنى انهارده و يتجوزنى بكرة

لكن مع العريس بتاع طنط كذة
انتي مدية اوردر لقلبك انه يشوف الشخص دة يتحب ولا لا

على فكرة انتى نفس الاورد بتديه لقلبك لو فى واحد جه و قالك بحبك
بتقدى تفكرى كتير لدرجه انك سعات بتوهمى نفسك انك حبتيه من كتر الكلام الى يدوخ الى بقوله اى ولد لاى بنت بيحبها او بيتسلى برود اسمعى كل الى قلبك يحبه ههههههههه

الحب ياسمسمة في حد ذاتة شي جميل

حتي لو بعد كدة اكتشفتي ان اختيارك دة غلط

بس علي الاقل عشتي وشوفتي وجربتي وتعلمتي

ميمى الحب لو مكملش و انتهى النهايه الصح بيبقى جرــــــــــــح مش حاجه تانيه يبقى مش شفت و اتعلمت و جربت انا انجرحت و اتالمت و عشت ايام ما يعلم بيها الا ربنا بسبب انى سلمت قلبى للشخص الغلط

وفي الخر احب اقولك الاختلاف في الراي لا يفسد للود قضية بردو بس نفسى اقنعك انا بحب اقنع الناس برائى اوووى

والله يا سمسمة انا كمان نفسي اقنعك


بس انت لية كلامك كلة ان البنت البتحب ولد دة زنب
وان لازم يبقي في حاجة غلط بنهم


وان الولد البيحب بنت بجد لازم اول ميعرفها يكون من البيت او خلاص شافك هيبقي يروح البيت


اما بقي ناجي للعب في الولد العايز يتجوز وخلاص

لا عيب وفي مليون عيب

اول حاجة بحس انه جاي سوبر ماركت

تاني حاجة هوه عايزك عشان سمع عن اهلك يبقي من الاول هوه عايز اهلك مش عايزك
هوه اة دة ممكن يبقي مش عيب بس مش ميزة
تالت حاجة

هوه هيبقي وخدك لية
عشان عايز واحدة وخلاص
واوعي تفتكري ان هتبقي انتي الوحيدة التقدم ليها
دة غير انك هيبقي زايك زاي غيرك بنسبة لي

وبعدين مش في اي وجه مقرنه بين شخص ختي وقتك في تعارف علية وواحد جاي هيتجوزك بعد فترة معينة

دة انتي حتي اهلك استحلا هياخدو علية في الفترة دي امال انتي بقي هتعملي اية






الفرق الوحيد انك 1- مش حتخدى زنوب 2- كل واحد بيحاول يوصل للتانى
بالطريقه الح 3-انتى عارفه النهايه بينكم ايه مش على كف عفريت خايفه يكون
كداب خايفه ميتقدمش خايفه يتقدملك الى احسن منه و اهلك يكونوا عيزينه ليكى
و رفضتى يحسوا بحاجه خايفه انه تحصل بينكم مشكله و كل واحد يروح لحاله

طيب ليه الخوف و القلق ده كله تحطى نفسك فالموقف ده ليه


مع ان كلامك دة هيشلني

1- مش كل البيحبم بعض بيخدو ذنوب

2_ لا طبعا دي مش طريقة صح دي اكبر غلط

مثلا انتي طبعا بتجبي شامبو معين

لو جات واحدة صحبتك قالتلك انا عندي ليكي شامبو تحفة هتقولها اية


لا انا متعودة علي الشامبو بتاعي
اصل انا مجربة كتيررر
اصل دة المناسب ليه
ولو حاولتي تجربي

هتقراي مكونات الشامبو ينفع لانهي نوع شعر وبردو هتبقي خايفة

طب تخيلي بقي ان كل دة حصل في اختيارك لشامبو

امال بقي واحد هتبقي معا باقي عمرك

3_ انتي بتقولي عارفة ووثقة في النهاية بنكم

لا طبعا ممكن بعد ميخرج من عندك يلاقي واحدة احسن منك
او قلبه في فترة خطوبتك او بعد متجوزك دق لواحدة مش افتكر هيبقي باقي علكي

او مثلا جالك مرض تفتكري هيصبر لحد متخفي

هيقول وانا مالي هوه انا لسة هعالج متروح بيت بابها احسن

ولا مثلا بقي مش بتجبي بيبيهات

اكيد اكيد هيطلاقك لانك من الاول سلعة

هتقوللي ما ممكن البيحبك بردو يطلق

بس هيبقي ممكن لكن مع الاخ التاني هيبقي اكيد


اما بقي موضوع واحد اتقدملك واهلك موفقين وانتي لا حول ولا قوة لكي


مش في بنت بتجوز غصب عنها مهامة كان السبب



انتي كمان بتقولي بيبقي في قبول في الاول واهله اكيد مش هيكدبو علكم واهلك هيدلو فوق دماغو


سعات كتير بنتخدع في ناس نعرفهم من سنين امال بقي لو نعرفهم من كام شهر يبقي هيحصل منهم اية

واهله مش هيكدبم

هقولك خشي لمامتك

بوسي ايدها وقوللها اية رايك فيا يا ماما

هتقول ماشاء الله علكي ربنا يخلكي لية

دة انتي قمر وعسولة واطيب واشيك بنت في الدنيا

ووالله انتي مش في منك اتنين في الدنيا


مع ان بقي يا سمسمة لعلمك الكلام دة مش بيتقال لكي بس
بيتقال لينا كلينا مش تتغري ماشي ههههههههههههههههه

بس تعالي بقي وسيبك من ماما هوه انتي ملاك

مش انتي بس وانا ومي وريهام واخوتنا كلهم

احنا بشر بنغلط وبنجرح وبنجرح وبنتنرفز وبنزعل وبنزعل لان البشر خطئين



وكمان قولتي اهلك هيدلو في دماغو ودماغك كمان انتي فكرة ان عشان مش كنتي تعرفي لما هتاجي لما ما وبابا بعد الجواز هتخرب علكي حتي لو الحق معاكي

لا يا سمسمة دة انتي خلاص بقتي مدام واحتمال ام يعني دلع بابا وماما لينا وحنا بنات بيتغير عشان خوف علينا
احنا بندلع دلوقت وبنرفض وبنتكلم برحتنا

لكن بعد جوازك كل حاجة بتتغير زايك بظبط


اما بقي موضوع الاوردر

استني هوه انتي كل واحد جاة وقالك بحبك حبتي وفكرتي في

اتحلاة طبعا

وبعدين انتي في كلية واكيد شباب حولت تتعرف علكي اي حد هيقولك عايز اتجوزك ولا اتعرف علكي هتحبي

ولو في موصفات وحد معين هوه الانتي نفسك في

اكيد مش كل واحد قالي بحبك وعايز اتجوزك

هحبة


اما بقي والله يا سمسمة حتي الجرح بيعلم وبيقوي مش بيضعف


وبعدين انتي عايزة تتعلمي ببلاش ولا اية


وبعدين يا سمسمة انا كنت بقولك الاختلاف لا يفسد للود قضية


لا بقي شكلة هيفسد

ههههههههههههههههههههههههههه


انا بهرج ها لاحسن هنا التهريج بيتاخد جد

[ندعوك للتسجيل في المنتدى أو التعريف بنفسك لمعاينة هذه الصورة]

ليه يا ميمى بتقولى ان هنا التهريج بيتاخد جد مش عشان مشكله حصلت فى المنتدى يبقى كل الناس هنا كده
يا جماعه المفروض انا احنا اسره واحده وحتى لو حصلت مشكله مش ينفع نزعل من بعض
وياريت الانطباع الى فهمتو عن المنتدى ده يتنسى بسرعه
لان فعلا احنا مش كده
سورى انى خرجت عن الموضوع
تقبلى مرورى

لـــــحـــــظـــــة ( و د ا ع ) كتب:

بصى يا سمسمه اول حاجه الحكايه نفسها مش مقبوله يعنى ايه البنت قاعده فى البت وتلاقى مره واحده الباب بيخبط
وعريس جاى يطلب اديها وحتى لو حصل وفتره الخطوبه طولت شويه لحد ما يفهمو بعض مش هيقدرو لان ديما بيكون اهل ا
العروسه موجودين معاهم مش بيقدرو يتكلم ولا يعملو اى حاجه وكمان انا مش من كده بشجع البنت الى تحب الولد وتخرج معا وحجات كتير اوى كده ممكن تحصل لان فى الحاله دى البنت دى مش تنفع تكون زوجه بس على الاقل اوى يكون فى فرصه انهم يكونو لوحدهم برضو يكونو اهلها مرقبنا لو مش وثقين فيها لان بصراحه الولد او البت فى حاجه زى دى بيتعزبو كتير جدا وبيتجوزو ومش بيقدر يعرفو عن بعض غير الاسم وبس واكيد هو ده السبب فى قواضى الخلع الى مغرقه محكمه الأسره

احمد انت لو فى بنت عجبيتك و حبتها مهو انت بتروح و تصارحها بمشاعرك مهو انت بردو بتروح و تقولها كده مرة واحده بس هنه الموقف افضل لانك مفيش لعب انت ساعتها واحد جد و مش عايز غير الجد مفيش فالموضوع لعب او تهريج صح ولا انا غلطانه

و كمان لما انت مقتنع ان البنت الى تقبل انها تمشى معاك مش تنفع تكون زوجه طيب انت بتمشى معاها على اساس انها ايه حبة سودانى بتتسلى بيهم ولا ايه المفروض ده الى انا اعرفه يعنى الشاب بيعجب بالبنت او بيحبها لانه عايزها تبقى حاجه واحده بس تبقى زوجته و البنى آدمه الى هوه عايز يكمل معاهاا حياته مش حاجه تانيه

اما بقى موضوع وجود الاهل سورى يعنى و فيها ايه و كده كده على فكرة مش بيبقوا كبسين على نفسكم بيسبوكم لانكم لازم تتعرفوا على بعض و فعلا ده حيبقى صعب فوجود الاهل شويه بس مش لدرجه انهم مش يبقوا عرفين غير الاسامى بس انتوا كده كده مش حتعملوا حاجه تغضب الاهل زى ما ميمى قالت انت بتحبها يعنى حتخاف عليها