ياستي هو انتي شايفاني كافره ؟
لا اله الا الله لأ طبعا ياحبيبتي انتي مسلمه وموحده الله
خلاص امال ايه لزمته بقا الكلام الكتير انا حره البس حجاب والا ما البسش وانتي ماااااااااالك
طب ممكن اسألك سؤال ؟
يامسهل اتفضلى ياستي
هو انا ليا مصلحه في انك تلبسي الحجاب او متلبسيهوش ؟
ماهو ده اللى باقوله انتي دخلك ايه البسه والا ملبسهوش
ماهو في ناس كتير لابسه حجاب وكأنهم مش لابسينه
اللى لابساهولك على بدي ملزوق فجسمها ومبين تفاصيلها كلها وتقولك محجبه
واللى لابساه على جيب قصير لحد الركبه ولابسه بوت طويل وتقولك محجبه
واللى لابساه ومبينه نص شعرها من قدام وقال ايه شعرها هو اللى بينزل لوحده والحجاب بيرجع لورا
امال الدبابيس بتاعة الطرح اخترعوها ليه والنبي ؟
طب بس متقوليش والنبي لاحلف الا بالله قولى لا اله الا الله بقا
حاضر ياستي لا اله الا الله
طب يعني انتي شايفه ان كل دول غلط ؟
اه طبعا غلط ومش بس غلط ده حرام كمان
بصي انا اه مش لابسه الحجاب بس انا لبسي احسن من ناس كتير اوي لابساه
ولا بالبس ضيق ولا محزق ولاقصير الحمد لله انا احسن من ناس كتير
تعرفي انا كلمتك ليه ؟
ليه
عشان شايفاكي احسن من ناس كتير
وباقول خساره بجد خساره التزامك ده وادبك واحترامك لنفسك
يبقا ناقصه انك تلبسي حجاب
صعبان عليا متدخليش الجنه
ونفسي اوي تدخليها
ومتقوليش مانا كويسه مش هادخلها ليه
انا مش هاقعد اجيب في ادله على فرضية الحجاب
لأنك من جواكي متأكده انه فرض
كفايه نضحك على نفسنا
ونطلع اعذار ونبرر كل حاجه
خلينا احنا الصح خلينا دايما قدوه فكل حاجه
دينا امرنا بكده
ده احنا امة وسط هتشهد على كل الأمم ان الدين وصلهم
ازاي نبقا احنا اللى بنشهد واحنا مقصرين
هيبقا لينا عين ازاي نشهد على غيرنا
فكري شويه عشان خاطري
والله باتمنالك الخير
مش عاوزالك غير الجنه
راجعي نفسك
الجنه تستاااااااااااااااهل
والله تستاااااااااااااهل
بس ياترى احنا نستاهلها ؟
نقاط
موضوع: انتي احسن من كده بكتيييييييير 
