جيبالكم وصفه حلوة اوى للشعر
مش بتغذيه بس
دى بطوله وبتنعمه
لو تلاحظوا
ان من اكتر الكريمات والزيوت
اللى موجوده فى السوق لتطويل الشعر
هى من خلاصه الجرجير
وده لان الجرير من اكتر الحاجات الطبيعيه اللى بتطول الشعر
وكمان مش بتغير لونه
لان تقريبا كلنا عارفين ان زيت الزيتون بيغمق الشعر
وصفتنا يمكن تكون صعبه شويه
بس اللى حابب يطول شعره هتعجبه
اولا مكونات وصفتنا بسيطه جدا
عايزين حزمه جرجير طاااااااااازه
وزيت جوز هند علبه كامله
هتحطيهم مع بعض فى الخلاط وتمزجيهم مع بعض
وبعد ما تخرجى الخليط ده سيبيه يوم كامل
هتلاحظى ان الزيت هيطفو فوق الخليط
هو ده اللى احنا عايزينه بقى
هتدهنى شعرك بيه قبل الاستحمام بساعتين
ملحوظه لازم وانتى بتحطيه على شعرك
تدلكى فروه الرأس كويس جدااااااااا
بعد ما توزعيه على فروه شعرك كلها
غطيه بأى شىء وسيبيه ساعتين كاملين
بعد كده هتغسليه بالشامبو عادى جدا
الوصفه دى متتععملش اكتر من مره فى الاسبوع
لان فى ناس شعورها دهنيه مش بتستحمل الزيوت كتير
هتلاحظى بعد كده النعومه واللمعان فى شعرك من اول مره
وهتشوفى وبعد وقت قليل اووووى شعرك بيطول ازاى
جربيها وقوليلى
ومتنسيش تدعيلى
نقاط
موضوع: جيبالكم وصفه حلوة اوى للشعر 
