البنت النايتى
البنت الكول
سهرانه فى البارتى
قشطه و بيس
يا حبيبه هارتى
انت لذيذ
استاذه فى القلش
والتهييس
البنت النايتى
البنت الكول
بنطلونها
ساقط على طول
جامده وفظييييعه
مش معقول
مزه و جنان
بنت عسوله
البنت النايتى
مالهاش فى الشعبى
بتسمع راب
وبتسمع غربى
تك كير بيبى
تك كير حبى
انت حبيبى
واحشنى يا قلبى
البنت النايتى
البنت الكول
بنت خواجه
عايشه مش فاهمه
حاجه فى حاجه
شاربه ومشيشه
ضاربه كذا حاجه
و مكبره مخها
اخر حاجه
البنت النايتى
بنت حبوبه
حسها مرهفه
قلبها طيوب
هدومها لابساها
بالمقلوب
ماشيه ع الموضه
المضروبه
البنت النايتى
بتحب مارينا
بتأنتم مع حمدى
ومع جيمى ومينا
بتلبس سلسله
وشورت كارينا
والعب يا ماو
يلا بينا
البنت النايتى
مش عصاميه
بياخد مصروفها
من بابى والوليه
بتصحى المحروسه
بتروح ع النادى
تسلم وتبوس
مجهود مش عادى