طريقة رائعه ومجربة لتجاوز المشاكل والهموم

طريقة رائعه ومجربة لتجاوز المشاكل والهموم
قال حبيبنا صلى الله عليه وسلم : ( تفائلو بالخير تجدوه ) وطبعا لانه عليه الصلاة والسلام لا ينطق عن الهوى وانما ينطق بوحي من رب العزة والجلال

فمعناتها لازم نوقف عند هالحديث ونفكر فيه بشكل جدي - يعني هالكلام انه هاد وعد من الصادق الأمين اننا لما بنفكر بطريقه متفائله ونقول انه الله رح يسهل أمرنا او الله رح يقضي ديننا او الله رح يعافينا ومتل هالكلام ونكون متأكدين ومعتقدين بهالكلام وبنعرف مزبوط ميه بالميه انه لما نقول انه الله رح يعطينا اللي ببالنا فهالشي رح يتم بأمر الله لأنه حبيبنا وعدنا مسبقا وعد صريح ووواضح انه هالشي رح يتم


الطريقه لاتمام هالشي وعم قول هالكلام بكل ثقه انه لما تواجهنا اتخن واصعب مشكله مو مطلوب مننا الا ثواني هيك نبتسم فيها ونصرخ بقلبنا صرخه عاليه ماحدا يسمعها غيرنا ونقول والله اقسم بالله انه ربي القادر قادر انه يحل المشكله ويرفع عننا البلاء بس اهم شي نكون واثقين ومتأكدين من هالكلام بداخلنا ومعتقدين - متأكدين من حصول اللي فيه الخير لانه اصلا الله سبحانه ما بيجي منه الا كل الخير
نبتسم من كل قلبنا ونحنا فرحانين وواثقين بانه ربنا ما أخد مننا الا ليعطينا وما حرمنا الا ليعوضنا اكتر لانه سبحانه اكرم من ان يسلبنا بعد العطاء سبحانه

اروع شي بالموضوع لما تلاقي بعد فترة بسيطه جدا كيف انه رب العزة اكرمك بشكل رائع وعوضك خير وطبعا ما خيب ظنك

كانت هي كلمات حبيت شارككم فيها يارب تلاقي بقلوبكم مكان