السلام عليكم ورحمه الله وبركاته
الخدمه الوطنيه والشباب المصرى
حبيت اشرح ليكم انهرضا يعنى ايه تجنيد يعنى ايه خدمه وطنيه بتقضيها يعنى بترد جميل مصر الى عشت على ارضها
وشربت من نلها ولعبت وكبرت وكل حاجه حلوه ووحشه حصلت ليك فيها
بغض النظر بقى ان مفيش شغل وحجات تانيه كتير بتختلف من شخص لتانى هشرح ليكم التجنيد بنسبه لتجربه بتعتى الشخصيه
بس لو كنت بتنعقد بلاش تكمل وروح جرب بنفسك الحكومه المصريه بتامن ليك افضل الطرق واسهلها عشان تقدر تقدى الخدمه الوطنيه
فى امان
ونبدا
بسم الله الرحمن الرحيم
الخطوه الاولى وهى تجهيز الأوراق المطلوبه
1-بطاقه 6 جند (دى بتستلمها قبل معاد جيشك بسنه اوعى تضيع منك هيطلع عينك ولو ضاعت هتقدر تجيب غيرها بس هتشوف ايام سوده)
2-فيش جنائى
3-فيش عسكرى
4-فصيله دم
5-شهاده ميلاد
6-والمؤهل الدراسى
ونبدا ورقه ورقه
بطاقه 6 جند
دى بتستلمها من المركز او البندر الى انت مقيد فيه بيكون مكتوب
بتروح قبل معاد بسنه بطلبها هيقولك روح اشترى قلم نوع معين هيخدو منك ويديك الورقه مش مهم القلم ليه
مهو لازم يعمل مصلحه عليك هتبصلو فى قلم بى 3جنيه وتشلها معاك لحد يوم ما تسلمها
الفيش الجنائى
ده بتعملو عشان الى عندو سبقه قضيه يعنى قديمه بتنعرف ممكن تعملها من المركز بردو او من مدريه الامن لو انت مستعجل
وانت بتجيب الورقه الى هتفيش فيها هتلاقى ناس بطير وناس بتقع وناس بتنكسر اوعى تسئال ادخل هات الورقه بتعتك وامشى ولو
ولو خرجت سليم روح بوس ايد ولدتك عشان دعتلك قبل ما تخرج من الصف الى بتستلم منو الورقه
الفيش العسكرى
ده بتستلمو من نفس المكان الى استلمت منو بطاقه 6 جند الى انت بتجبها قبل معاد تجهيز الورق بتاعك بسنه زى ما قولنا
بتخدها وتروح لشيخ البلد يمضى عليها وطبعا بيكون رخم اوى وبيطلع عينك انت منين وابوك اسمو ايه ومش تقلو اسم ولدتك لانك بتخرج من عندو البلد كلها عارف اسمها بيمضى عليها بتروح على المركز بطلع الورقه للظابط بتاع المركز بيمضى عليها وتروح تفيش ربنا ما يوريك عمك توفيق الى عملى الفيش راجل ضخم كده كان هيقصر صبعى وهتلاقى
فصيله الدم
دى اسهل ورقه لانك بتبعد عن الاماكن الى موجود فيها حرص وكده وهتروح على بنك الدم تعملها بسرعه وتخدها فى ايدك
شهاده الميلاد
لازم تكون شهاده ميلاد كمبيوتر الى مش عمل كمبيوتر يعملها من السجل المدنى الى
وخلى بالك من امناء الشرطه الى هناك لانهم رخمه اوى وهيطلعو عينك ومفيش مشكله انهم يضربو بس نصيحه بلاش تستسلم من اولها ومتخليش حد يضربك
الموهل الدراسى
ده بتروح مديريه التربيه والتعليم بتاخد بتقف فى صف فى حوالى 100 او اكتر وتستنى ضورك
وتاخد الطلب هتلاقى فى رجال اعد قدام المدريه وديه له وهو هيقو بلواجب وهتروح تسلمو تانى وتاخد الوصل بتاعك عشان تستلمو تانى يوم الى بتلاقى فيه الناس هاين عليها يولعو فيك عشان يدخلهم هواء بتنحشرو حشره سودا
كده الورق خلص يا معلم
هتروح تراجع الورق عن الراجل بتاع التجنيد وهيقولك على اليوم الى هتروح تكشف فيه
يوم ربنا ما يوريك يبنى هتروح تنام فى بتكو اسبوع بسبب اليوم ده
هتروح الهيك استب تسلم الورق وتكشف
قبل ما تدخل من البوابه هيدك ورقه مرسوم فيها خريطه تمشى عليها
عشان مش تتوء هتلاقى خطوط كده بتوريك خط سيرك
فى عسكرى مجند زيك هيقولك على ترتيب معين لازم ترتيبو زى ما بيقولك بظبط
وهيخدو منك بعد كده وهنبدا فى الكشف الكشف عشره على عشره يا جماعه الى عندو اى حاجه هيطلع
حتى فى واحد صحبى عندو القلب والكبد الهم احفظنا ودخل الجيش مش بقولك كشف ميرى يابا
اى حاجه يقولك عليها فى الكشف ده تعملها يعنى يقولع اقلع تقلع البس تلبس
الشعب المصرى كلو بيروح يقلع هناك متفكرش ان حد هيكسر عينك لا مش تقلق مفيش راجل فى مصر كلها
مش قلع عندهم وهتفضل
بعد ما تخلص كشف لو نجحت هيديك معاد تروح تسمع فيه الرجاء
يوم الارجاء يوم الحشر
ده يوم بقى هيتجمع فيه كل الى كشفو قبلك وبعدك هتعدو فى مكان عامل زى مدرجات استاد بنها الرياضى لو حد شافو هتروح طبعا من الساعه 7 هتكونو هناك وهتسمعو الارجاء الساعه 1 وحده ونص انت وحظك
الى هيخرج بردو يروح يبوس ايد ولدتو عشان مدخلش والى هيدخل يكمل معايا
الى هيدخل هيفضل موجود مش هيروح عشان يعمل تحليل فيرس سى
وده بقى الكشف الى حقيقى بجد مش فيه لعب
طبعا ده مش فى نفس اليوم لا هترجع تانى يوم بس بتعد معاهم شويه تناحه كده
هترجع هتحلل ممكن يكون الدكتور حمار بس لازم تستحمل وهو بياخد عينه الدم
هيفضل يدور على العرق نص ساعه رغم ان والله العرق بتاع دراعى كبير وواضح قدام عينوده بيدور بردو تناحه والقبره فى دراعك مش تقلق هيقول انك سليم باذن الله وهيديك المعاد الى هتروح تسمع فيه السلاح بتاعك وتلبس
وتدخل الجيش يا معلم
مركز التدريب
اوعدكم يا جماعه
اول ما البس وجرب مركز التدريب هرجع احكى ليكم عن الى بيحصل هناك
انا سامع خير اللهم اجعلو خير
انها هتكون ايام ما يعلم بيها الاربنا
الكلام ده مهم جدا يا جماعه
مش عاوز حد يزعل انو دخل الجش اوعى تزعل الجيش للراجل
هيقولو ليك كده كتير هناك هو انا كان نفسى ابقى عيل ومش ادخل بس الحمد لله
ولو بتفكر تهرب من الجيش برحتك يا كبير اهرب
بس هتفضل طول عمرك زى الى عليك تار
لو رجلك راحت يمت اى جها حكوميه هيرحلوك على الوحده على طول
ولا هتقدر تشتغل ولا هتقدر تعمل اى حاجه نصيحه منى بلاش تفكر فى الهرب
هم سنتين او تلاته على حسب مؤهلك هيخلصو والسلام
وعلى رئى استاذ رمضان مبروك ابو العالمين حموده مدرس اول لغه عربيه ورئيس قصم الخطابه
مصر دى امى
والسلام ختام