تحذير عيد الحب ليس لنا

شكرا على كلامك الجميل دا يا احمد
بس ممكن تفهمنى عيد الحب حرام ليه
وعلى فكره الحب استحاله يكون يوم واحد بس الحب فى
السنه كلها مش يوم واحد واللى بيحب دايما بيكون قريب
من حبيبه
شكرا ليك يا احمد

انت قولت انه يوم لاشاعه الفحشاء هناك
عندهم لكن انت مثلا لما بتخرج مع حبيبتك
بتعمل كدا اخر الموضوع بيكون كلمتين
وكل واحد بيروح بيته دا اذا كنتم بتخرجوا
اصلا من البيت يبقى ليه ميكونش فيه احتفال
للحب فى يوم من ايام السنه على الرغم من
انى مقنعه ان الحب سنه كلها مش يوم
كل واحد فى اليوم دا يمارس احساس الحب
بعيد عن الكدب والخيانه واللعب بالدماغ وغيره
ومش لازم برده يا احمد تكون الخروجه مع بنت
او مع ولد انا ممكن امارس فعل الحب انا
وماما او بابا او اخواتى او اصحابى
واجيب الهديا واقول كل سنه وانتوا طيبين
ونخرج برده ونتفسح وكدا ولا هو اليوم دا
قالوا عنه عيد العشاق قالوا عنه عيد الحب
يعنى الحب لكل الناس مش ليا اناوحبيبى بس
ومدام انا مش بعمل فيه رزيله او بغضب
ربنا يبقى ايه المانع انى احتفل بيه
وبرده يا احمد انا مش هعظم يوم زى ما انت
قولت لان العظمه لله وحده انا بحتفل باليوم
مش اكتر ولا اقل يعنى يوم زيه زى غيره
مش يوم بمجده واعظمه بس الفرق فى اليوم دا
انى بقول بحبك للى انا بحبهم سوا كانت كلمه
بقى او هديه او اى حاجه اشوفها ممكن تعبر عن
الحب دا
انت قولت انه يوم للاباحيه وكدا طيب انت ليه
تاخد كل حاجه من الغرب زى ما هى ليه ما تاخدش
الاحسن والافضل بالنسبه ليك واللى يتوافق مع العادات
والتقاليد السياده فى المجتمع واللى مش مناسب تحاول
انت توظفه ليكون اصح بالنسبه ليك امال ربنا اد لينا عقل
ليه مهو علشان كدا علشان نفكر بيه ونشوف الاصلح ونعمله
على الرغم انى بشوف انى العادات والتقاليد دى لو مكنتش فى
صالح الانسان وخدمته يبقى ملهاش لازمه لان الانسان هو اللى
بيعملها علشان تخدمه مش علشان تقرفه والانحلال
اللى انت بتتكلم عليه دا احنا اللى بنعمله
مش حد تانى يعنى كل واحد مسئول عن تصرفاته
الغرب مقلش تبقى منحل زينا او اعمل زينا هما بصدروا
الفكره وانت حر فيها تستخدمه ا زى ما انت عاوز
عيد الحب زيه زى اى حاجه بتيجى من بره زى اللبس مثلا
ابقى فكر فى الحاجه الاول وانت هتعرف هى صح ولا لا
واسفه للاطاله
سلامى ليك