اد ايه السؤال سهل و الإجابه صعبه
احلامنا دى بتختلف لكل مرحله فعمرنا من الاول البيبى الصغير لحد الشيخ الكبير و كلنا تقريبا بنحلم نفس الاحلام بس بيبقى فى اختلافات بسيطه
يعنى مثلا الطفل الصغير الى لسه متكلمش بيبقى كل حلمه انه يعرف يتكلم بيقعد يقول اصوات و يلاغى زى ما بيقولوا لحد ما يعرف يتكلم و بتبقى فرحته كبيرة اوى لما يعرف يقول كلمه و تلقيه بيرددها على طول لانها الكلمه الوحيده الى قدر يقولها
و لما يكبر شويه و يشوف الاطفال بيجروا و يلعبوا بيبقى حلمه انه يعرف يلعب معاهم و يجرى وراهم بيبقى عايز ينط من ايد مامته عشان يجرى وراهم و معاهم شويه شويه بيعرف يحبى و يقف و يمشى و يحقق حلمه
يكبر حبه كمان يشوف الاطفال بيروحوا المدرسه و يبقى نفسه يروح مع انهه يقوم ما بيحقق حلمه بيندم على اليوم الى فكر فيه فالحلم ده هههههههههه
يكبر شويه يبقى كل حلمه ينجح و المدرسه تديله نجمه فكراسته و يروح من المدرسه مبسوط و فرحان لو زمايله سقفوله فالفصل عشان جاوب صح او عمل حاجه حلوة
يكبر شويه عايز اجيب مجموع عشان اعرف اكمل تعليم حلو و اعرف اعمل مستقبل حلو ليه و لعيلتى مستقبلا
دخل كليه او اى حاجه تانيه نفسى اجيب تقدير عاااااااااااالى عشان اعرف الاقى شغلانه كويسه و اعرف ابنى مستقبلى بجد (ادعولى خليكوا حلوين
)
يكبر شويه و يقدر يفتح بيت نفسى الاقى بنت الحلال الى تسعدنى واحبها و تكون ام ولادى
اما بقى لو بنت نفسى الاقى الزوج الصالح الى يسعدنى و يملى عليه حياتى و قلبى و عقلى و يبقى دنيتى الجايه
يتجوزوا او كده نفسنا فبيبى صغنن كده يملى علينا حياتنا
يكبر قدام عنيهم يبقوا حلمهم يشفوه فاحسن حال و حلمهم يوصلوه لبر الامان و يقدروا يبنولوا مستقبل و يسعدوه عشان يقدر يبنى حياته
يكبروا شويه يبقوا نفسهم يشفوه عريس و يشوفوا عياله (احفادهم يعنى )
و دى بتبقى اقصى احلامهم انهم يشوفوا عيالهم سعداء فحياتهم و قدرين يبنوا مستقبلهم باديهم
و اكبر حلم و احلى حلم و اعظم حلم بيحلم بيه كل بنى آدم انه ينول رضى ربنا عنه فكل الى هوه بيعمله و يكتبله الجنــه ياااااااااااه بجد احلى حلم
يااااااااارب اللهم أجرنا من النار اللهم انا نسألك الجنه
اللهم أجرنا من النار اللهم انا نسألك الجنه
اللهم أجرنا من النار اللهم انا نسألك الجنه
سورى طولت عليكم بس الموضوع حلو اووووى ميرسى ليك يا احمد على الموضوع الهايل ده