عزيزي الصاحي اذا كنت تعاني من أرق لأي سبب و حاقد على واحد نايم او اذا طقت فيوز النذاله فجأه عندك أو عرق الرذالة بيوجعك وقدامك واحد نايم كأي بطيخة تحترم نفسها ماعليك الا ان تتبع الخطوات التاليه وصدقني ممكن يقتلك فيها
1) اذا كان في عز نومه وانت مانمتش أو مش جايلك نوم ادخل الغرفه وشغل النوووور واطلع بمنتهي البرود كأنك معملتش حاجه. إذا كان نومه خفيف هايصحي ويقولك ( إطفي النور يا حيوان ) طبعا إحنا إتفقنا إنك بارد علشان كده لا تعره أي إهتمام و افتكر القانون الأول لنيوتن في التنفيض " لكل فعل له تنفيضة مساوية له في المقدار و مضادة له في الإتجاة "
اما لو كان نومه تقيل يبقي تستعمل الطريقة رقم 2
) إكتشف إن في بيتكم سرير وعايز تتأكد إن كل حاجه تمام و إن السرير رجليه مظبوطة طبعا دا السرير إللي أخينا نايم عليه وتقدر انت ساعتها القيام بالكثير من التخبيط و الدق وتحريك
السرير ولكن خالى بالك ممكن هو يصحى من النوم فيلاقيق تحت السرير او رأسك قريبه منه مفيش حد ساعتها يقدر يقول هيحصل ايه لو كان من هواة النوم وجنبهم مفتاح انجليزي .. علشان كده أنصحك أن تهز السرير هزات جااااااااامده علشان يصحى وقبل ما يصحى اجرى بأقصي سرعة عندك
3) اذا كنت مضايق من واااحد ناايم العصر او الظهر أدخل الغرفه
وغطيه كويس و إقفل التكييف واطلع و متنساش تقفل الباب والشباك. اذا كانت في دفايه بالغرفه , ياعيني(هو ده المطلوب) شغلها بقي علي أسخن حاجة وسيبه واطلع بره كأنك متعرفش مين اللى عمل كل ده .
لسه ما قامش ؟؟ إوعي تيأس
4) لو كان لسه ماقامش !!! ماتعملش حاجة من اللي سبق ذكره إنما بهدوء
حط ايدك على الراديو وشغل محطه خرباااانه و يا حبذا لو كانت بتاعت أغاني هابطة من نوعية
( حبيبي فوق حبيبي تحت حبيبي ايح حبيبي جاي ) وعالي الصوووت على الآخر و امشي إنت كمل مشاهدة التليفزيون .
5) اذا كان لسه نايم وانت شبعااان نوووم بس عايز تتونس:
جيب ماء باااارد وقرب من النايم ونزل على وشه قطره قطرة هايترعش
ويمسح وشه فاكرها نمله ولا حاجة .واقعد كده لحد ما يصحي أو يقوم يرزعك قلم محترم علي وشك ويكمل نوم
6 ) خذ منديل ولفه لحد ما يبقي على شكل عود الكبريت مثلا يعنى... الغرض ان يكون نهاية طرفه حاد ..وبس يا معلم .. أخينا رأسه أصبحت ملعبا وأنت الهداف ممكن تحطها في ودنه
( الحركة دي مستفزة جدا ومجربة )
ممكن تحطها في فمه
ممكن تحطها في أنفه بس مش لجوة أوي يعنى لو صحي يبقي إحتمال إنه يفرجك علي عنبر الكسور في أي مستشفي قريب من بيتكم
واذا مانجحتش كافه الطرق اللي فوق... تأكد انه مش آدمي . . خليه نايم
واطلع بدل ما يجيلك شلل نصفي ولا اقولك اقتلة احسن وامشى زى ما انا هعمل
وابقى قابلنى لو فكر ينام معاكو ف البيت تانى
نقاط
موضوع: رخاااااااااااااااامه اون لاين 
