مستنياك يا رمضان
مستنياك بعبايتى وسجادتى
مستنياك بفانوسى وكوبايتى
ملياها بقمر الدين من دلوقتى
مستنياك وف قلبى شوق وحنين
من يوم ما شوفت زينه منوره الصفين
ساعتها قولت يارب بلغهولنا
واجعلنا فيه م المعتقوين
مستنياك عشان وحشتنى لمتنا
وبنيه صافيه وفرحه جمعتنا
مستنياك واشتقت لهلالك
ومن فرحتى ف شباكى وقفالك
واشتقت لصوت امام بيكبر للصلاه
وناس من شوقها لربها جيالك
وسحور نقومه بعزم وبهمه
نطلب ف اخره يعنا على فضلنا بقوه
مستنياك بسبحه عمرها ما تتساب
بعد اما اشتكت منى جفاء وغياب
مستنياك وجوايا امل فى ثواب
انوله ف اول يوم ويتفتحلى الباب
مستنياك وبطمع فى لحظه عفو من الرحمن
يغفرلى فيها ذنوبى ويملا قلبى ايمان
مستنياك وكلى لهفه اصوم
يمكن بظنى فى يوم ادخل من الريان
ياربى ظنى خير دايما فى عفوك
اعتقنا فيه من النيران
ونور طريقنا يارب واهدينا
وارزقنا نفس لوامه على الاخطاء
واكتبلنا يارب نشتاقله
وبلغهولنا اعواما ورا اعوام
ومن كل ذنب يارب ابعدنا
وفوق الصراط ثبتنا نجينا
نقاط
موضوع: مستنياك يا رمضان 
