ماسكات بالعسل

اول ماسك
ـــــــــــــــ
هو ماسك لنعومة وليونة البشرة

عايزين عسل نحل
معلقه كبيره منه

وتعرفوا خل التفاح؟
موجود فى كل حته هو
عايزين ربع معلقه كبيره منه

هتخلطى الحاجتين دول مع بعض
وتفردى الخليط ده على بشرتك
وتسيبيه حوالى ربع ساعه
اما تحسى ان مش قادره تحركى بشرتك كده

وتشطفيه عادى بمايه فاتره

وادعيلى بقى عا النعومه والجمال اللى هتشوفيه


تانى ماسك معانا
ـــــــــــــــــــــــــــــــ
وده يا حلوين لمنطقه حول العين
عشان يتفحها
ويجملها كمان

عايزين بردو معلقه عسل كبيره
وبياض بيضه

هتخلطيهم
وبأطراف صوابعك الحلوين دول
تحطى حوالين عينك الحلوه دى
واعدى بقى بأطراف صوابعك تدلكى براحه خالص
من غير عنف
اول ما تلاقى الخليط نشف تحت صوابعك
قومى اغسليه علطول
بماء فاتر عادى
مره على مره هتلاقى السواد اللى تحت العين ده

اختفى خالص

خلى الماسك ده مرتين فى الاسبوع بس


تالت ماسك بقى
ــــــــــــــــــــــــــــ
لبشره فاتحه وصافيه

عايزين طبعا معلقه عسل
بس المره دى صغيره
وحطى عليها معلقه دقيق صغيره بردو
وضيفى عليهم صفار بيضه
ولو عندك زيت زيتون حطى بردو معلقه صغيره

وحطيه على بشرتك بقى
وعلى فكره الماسك ده ينفع لمنطقه العين بردو

لشدها وتفتحها
واول ما الماسك ينشف على بشرتك اغسليه

ان شاء الله الماسكات تعجبكم يا احلى بنات